Ossodaga ovddasvástádus lea buot politihkkaovdáneapmi ja hálddašeapmi surggiin servodatplánen, ealáhus, biras, areála, vuoigatvuohta, kulturmuittosuodjaleapmi ja dearvvašvuohta. Ossodaga jođiha ossodatdirektevra ja guokte vuolitdirektevrra.
Ossodatdirektevrra guovddáš barggut ja ovddasvástádus suorggit lea ovddidit strategiijaid, jođihit ossodaga fágalaš doaimmaid, organiserenovdáneapmi ja bargiid čuovvoleapmi. Ossodatdirektevrras lea ovddasvástádus ossodaga bohtosiidda-, bušehttii ja bargiide. Ossodatdirektevra lea oassin hálddahusa jođiheaddjijoavkkus.
Olbmos gean ohcat, berre leat oahppu masterdásis. Ohccis galgá leat jođihanhárjáneapmi, diehtu sámi servodagas ja máhtolašvuohta politihka ja mearridanproseassaid birra. Lassin deattuhit buriid ovttasbargonávccaid, buriid jođihanattáldagaid ja máhtu olahit bohtosiid ovttasráđiid earáiguin. Son gii biddjo virgái ferte hálddašit sámegiela, davviriikkalaš giela ja eŋgelasgiela.
Mis lea bargiidpolitihkalaš mihttomearri dássedis ahke- ja sohkabealčoahkádus, ja rekrutteret olbmuid geain lea minoritehta- ja álgoálbmotduogáš. Bargosadji sáhttá dárbbu mielde heivehuvvot doaimmas-hehttejuvvon olbmuide.
Bargosadji lea Kárášjohka.
Virgi lea biddjon virgekodii 1060 Ossodatdirektevra. Bálkkás gessojuvvo 2% Stáhta penšuvdnakássii. Ođđa almmolašvuođalága vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui. Álgin farggamusat.
Eanet dieđuid virggis oaččut Sámedikki direktevrra Rune Fjellheim bokte, tel. 784 74 040 /mob 910 09 320, dahje Adecco Select Steffen Steffensen bokte, tel. 755 06 857, mob 907 20 027.
Buot oktavuođat ja ohcamat meannuduvvojit oskkáldasvuođain. Mii eat váldde oktavuođa referánssaiguin ovdal go leat ovdalgihtii šiehttan. Ohcan oktan CV:in sáddejuvvo elektrovnnalaččat www.adecco.no/select Duođaštuvvon skuvla- ja bargoduođaštudaid máŋgosat sáddejuvvojit: Sámediggi - Sametinget, Ávjuvárgeaidnu 50, 9730 Kárášjohka - Karasjok.
Ohcanáigemearri: Golggotmánu 19. b. 2009.