Saji vátnivuođa geažil besset dušše akkrediterejuvvon journalisttat boahtit sámediggevissui maŋŋebargga golggotmánu 13.beaivve.
Akkrediterejuvvon journalisttaide addojuvvojit sierra beassankoarttat.
Čoahkkinlátnja 121 lea várrejuvvon pressii ráhpanbeaivve. Doppe lea vejolaš oaidnit ja gullat ráhpama TVs ja radios. Lánjas lea maiddái neahttaoktavuohta.
Ráhpama oktavuođas ásahuvvojit govvenjoavkkut (foto-pool).
Govvenbáikki oažžuma eaktun lea ahte govvideaddjit main lea govvenbáiki addet govaid nuvttá eará mediaide mat eai leat ožžon govvenbáikkiid. Govat galget juogaduvvot dalán rahpama ja lunšša maŋŋá.
Dá lea govvenjoavkkut:
Dievasčoahkkinlánjii besset čieža journalistta/govvejeaddji. Guđas besset galleriijai.
NRKii lea várrejuvvon vihtta saji. TV2 govvejeaddjai Jørn Berger-Nyvoll;i ja Hanne Klemetsen;i Ságat;i.
Galleriijai besset TV2 Egil Pettersen, Oddgeir Isaksen FD, Inger Elin Utsi Altaposten, Astrid Helander Ávviris ja Johan Mathis Gaup, gii lea Sámedigge govvejeaddji.
Buot eará preassa olbmet besset čuovvut ráhpama preassalánjas 121.
Buohkat geat leat dieđihan borramii hotellas (goađis) leat bures boahtin.
NRKii lea várrejuvvon 12 saji lunsjii ja 15 saji eahketdoaluide. NRK Sámi Radio Sara Simonsdatter Bakke koordinere NRK sajiid.
Eanet dieđuid oaččut Sámedikki gulahallandirektevrras, Jan Roger Østby, tlf 481 44 696 dahje epoasttas jan.roger.ostby@samediggi.no
Gáskaboddosaš áigeplána rahpamii.
Sáhttet šaddat rievdadusat.
Dii. 12.55:
Gonagas ja Dronnet boahtiba Sámediggái.
Gonagas ja Dronnet boahtiba dievasčoahkkinlatnjii.
Gonagassálmma lávlun.
Sámedikki presideanta doallá buresboahtinsártni.
Gonagas rahpá Sámedikki.
Norgga Stuorradikki dearvvuođat.
Ruoŧa Sámedikki dearvvuođat.
Suoma Sámedikki dearvvuođat.
Guatemala várreolgoriikaministera dearvvuođat.
Sámi soga lávlaga lávlun
Dii 14.15:
Bovdejuvvon guossit ja sámediggeáirasat leat gávdnan iežaset saji málesbeavddis
Dii 14.20:
Beaivemállásat ovttas gonagaspárain.
Dii 17.00 - 19.00:
Sámedikki dievasčoahkkin.
Dii 20.00:
Eahketdeaivvadeapmi hoteallas