Sámediggeráđđi áigo oččodit sierra ruhtádanortnegiid stáhtabušeahtas mat sáhtaše bisuhit boattobeale báikkiin skuvlafálaldaga. Heajos ruhtádilli suohkaniin lea áittan máŋggaid giliskuvllaide.
- Skuvla lea dat mii bisuha olbmuid smávit gilážiin, jus skuvllaid heaittiha, de fárrejit olbmot eret smávit báikkiin, ja dát mielddisbuktá ahte sámi kultuvra ja eallinvuogit sáhttet oalát jávkat dáin guovlluin. Danin leat mi Sámedikkis geatnegahtton bargat buot máid mii sáhttit doarjundihte boaittobeale guovlluid mánáid, dadjá Vars.
Sámediggeráđđi áigoge bargat politihkalaččat buoridandihte suohkaniid ruhtádili vai heajos ruhtádilli ii galgga leat jahkásaš áittan skuvllaide mat fállet oahpu sihke sámegielas ja sámegillii.
- Mun boađan čuovvolit áššiid ja gulahallat Ráđđehusain, erenoamažit máhttoministtariin Kristin Halvorsein ja mánáid,-dásseárvo ja searvádahttinministtariin Audun Lysbakkenin. Dáin áššiiin fertet mii oažžut buori čovdosa mii sihkkarastá mánáide oadjebas bajasšaddanbirrása ja skuvllaid boahtteáigii, dadjá Vars.
Sámedikki várrepresideanta áigo čilget man stuora hástalusat iešguđet guovlluin leat go geahččalit bisuhit giliskuvllaid ja vuhtiiváldit mánáid vuoigatuođaid obbalaččat. Son boahta maid deaivvadit mánáidáittardeaddjiin Reidar Hjarmann`ain go son boahta Kárášjohkii gulahallandihte suinna sámi mánáid vuoigatvuođaid oahpahussii ja oadjebas bajasšaddandillái.
Kontaktperson: Sametingets visepresident Laila Susanne Vars
Tlf: 78484253/mob 900 30 998