Sagka Stångbergii lea guhka bargan mánáid ja nuoraid hupmangiela nannemin. Dat bargu lea Sámedikki mielas nu mávssolaš ahte son ánssáša oažžut dán bálkkašumi.
Álggos son lea oahppan buriid bargovugiid, movt buoremusat oahpahit giela mánáide ja nuoraide. Dasto lea son geavahan dan vuogi oahpaheaddjin. Su bargovuogit leat leamaš erenoamáš beaktilat, go ollugat leat oanehis áiggis oahppan giela.
Juste dakkár bargonávccaid dárbbaša lullisámegiella iežas erenomaš gielladili geažil, namalassii go giellageavaheaddjit leat nu uhcán ja sii orrot bieđgguid ja sis váilot lunddolaš gielladeaivvadanbáikkit.
Earret eará Stångberg lágida riikarájiid rasttildeaddji prošeavtta mas nuorat ožžot vejolašvuođa deaivvadit ja geavahit lullisámegiela.
Sámediggi juohká juohke njealját jagi giellamovttiidahttinbálkkašumi. Bálkkašumi oažžu ovttaskas olmmoš/ásahus/prošeakta/organisašuvdna gii/mii lea erenoamážit bargan seailluhit, nannet ja ovddidit sámegiela.
Sámegiella dilli lea rašši, dan dihte dárbbahit mii dákkár áŋgiruššama vai min giella galgá seailut ain boahtteáiggis. Sámedikki sávaldat ahte bálkkašupmi lea mielde lokteme sámegiela árvvu, ja lokteme árvvu dan buori barggus maid oallugat barget ovddidan dihte sámegiela.
Bálkkašupmi lea ruhtasubmi ja dáiddadiploma. Ruhtasubmi lea kr 50 000. Dan rádjái lea bálkkašupmi juhkkojuvvon 3 geardde.
Jagi 2000 oaččui Ájluovtta váhnemjoavku bálkkašumi.
Jagi 2001 oaččui Skánit ja Evenášši giellajoavku dan bálkkašumi.
Jagi 2002 oaččui Harry Solhaug bálkkašumi, son lea eret Olmmáivákkis Gáivuona suohkanis.