8.2.1 Kulturmuitosuodjalus
Vuoruheamit 2010:s:
• Automáhtalaččat ráfáidahttojuvvon sámi kulturmuittuid ja kulturbirrasiid registreren
• Automáhtalaččat ráfáidahttojuvvon sámi kulturmuittuid kulturbirrasiid dikšun
• Gáhttenárvosaš sámi visttiid sihkkarastin ja ođasteapmi
Juolludaneavttut:
• Ohcanáigemearri lea guovvamánu 1. b. 2010. Ohcamat sáddejuvvon dien beaivvi maŋŋá, eai meannuduvvo
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Ohcama árvvoštallamii lea deaŧalaš ahte dásseárvoperspektiiva árvvoštallojuvvo
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid.
• Registrenprošeavttaide galgá Askeladdena, SEFRAKa dahje Sámedikki registrerenskovvi geavahuvvot
• Kulturmuittut galget registrerejuvvot digitála, omd. GPS:in dahje giehta-PC:in (pda:in)
• Sámediggi galgá sáhttit oažžut buot registrerenávdnasiid ja maiddái loahpparaportta, digitála hámis
• Prošeavttat galget duođaštit dárbbašlaš gelbbolašvuođa čađaheapmái ja sáddet loahpparaportta oktan dilleárvvoštallamiin maŋŋá čađaheami
• Eanet doarjja dán prošektii dahje vejolaš lassegoluide ii addojuvvo
• Kulturmuittuid registreren ferte dahkkojuvvot guoskevaš eanaeaiggádiid mieđihemiin. Geassemánu 9. b. 1978-mannosaš lága nr. 50 vuođul kulturmuittuid birra ii galgga registreren ja duođašteapmi mange láhkai duohtadit kulturmuittuid. Dát guoská maiddái geahččalanroggamii ja sullasaš registrerenvugiide. Dákkár iskamiidda ferte ohcat lobi Riikkaantikváras (gč. kml. § 8)
Máksineavttut:
• 50 % máksojuvvo go prošeakta álggahuvvo. Loahppa 50 % máksojuvvo go prošeakta lea čađahuvvon, golut leat duođaštuvvon ja prošeaktaraporta lea čállojuvvon
• Prošeakta galgá válmmastuvvot maŋimusat jagi maŋŋá doarjjareivve beaivádeami. Erenoamáš diliin sáhttá oažžut prošeavtta válbmenbeaivvi maŋiduvvot gitta guvttiin jagiin maŋŋá doarjjareivve beaivádeami, dan ferte erenoamážit vuođustit. Jus prošeakta ii leat válbmejuvvon áigemearis, de manahuvvo doarjja almmá ovddalgihtii dieđiheami haga
• Doarjjaoažžu galgá sáddet rehketdoalu ja raportta mii čájeha mo ruđat leat geavahuvvon. Jus doarjja lea badjel 150 000 ru, de galgá registrerejuvvon dahje stáhtafápmuduvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon. Rehketdoalu galgá sáhttit buohtastahttit dohkkehuvvon gollomeroštallamiin
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Meroštallannjuolggadusat:
• Doarjja gitta 50 % rádjai dohkkehuvvon oktasašruhtadangoluin, eanemusat 200 000 ru
• Doarjja gitta 70 % rádjai dohkkehuvvon goluin go Sámediggi lea áidna ruhtadeaddji, eanemusat 150 000 ru
• Ásahusat ja organisašuvnnat mat ožžot doaibmadoarjaga stáhtas, eai oaččo dábálaččat doarjaga hálddahusgoluide dán ortnegis.
Ortnega hálddaša Sámedikki doarjjastivra.
Jahkái 2010 várrejuvvo 2 000 000 ru doarjjan kulturmuitosuodjaleapmái.
Dáppe gávnnat ohcanskovi