7.3.1 Ealáhusovddideapmi
7.3.1.1 Juohkelágan ealáhusat
Vuoruheamit 2010:s:
• Nissonolbmot geat álggahit ođđa fitnodagaid
• Ealáhusdoallit geat leat vuollel 35 jagi
• Gelbbolašvuođa bajideapmi ja buvttaovddideapmi
• Investeremat mat váikkuhit ollu fitnodatovddideapmái
• Buvttaovddideapmi ja investeremat boazodolliid lasseealáhusain
• Ealáhusat huksejuvvon kultuvrra nala
2010:s ii addojuvvo doarjja čuovvovažžii:
• Bajásdoallamii, doaibmavuđot goluide, doaibmabijuide mat váikkuhit gilvvu botnjama, mobiila vuojániidda ja gálvojorriide, láigoviesuide, vuorkávisttiide, visttiid ja giddodagaid oastimii, leasemii, seaiva lonohallamiidda, kurssaid, semináraid ja konferánssaid lágideapmái ja doaibmabijuide mat ruhtaduvvojit almmolaš bušeahtaid bokte.
Juolludaneavttut:
• Ohcanáigemearrin leat guovvamánu, cuoŋománu ja čakčamánu 1. beaivvit 2010:s
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Ohcamiid árvvoštallamis lea deaŧalaš árvvoštallat dásseárvoperspektiivva
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid
• Galgá leat dohkálaš fágagelbbolašvuohta nugo relevánta oahppu ja ámmátvásihus
• Ásahuvvon doaimmat mat ožžot doarjaga galget sáhttit čujuhit fitnodatekonomalaš gánnáhahttivuhtii
• Ásahuvvon doaimmat galget leat registrerejuvvon Brønnøysund-registariin
• Ii addojuvvo eanet doarjja prošeavttaide mat juo leat ruhtaduvvon Sámedikki doarjagiiguin dahje vejolaš liigegoluide
• Vuolimuš doarjjarádji prošeavttaide dahje doaibmabijuide lea 30 000 ru. Doarjjaohcamat mat leat unnit go dát supmit máhcahuvvojit almmá realitehtameannudeami haga
Meroštallannjuolggadusat:
• Gitta 30 % rádjái doarjja dohkkehuvvon goluid vuođul
• Stuorámus doarjja lea 300 000 ru. Ovttasbargodoaibmabijuid oktavuođas main lea stuorra mearkkašupmi báikkálaš sámi álbmogii, lea stuorámus doarjja 500 000 ru
• Sámediggi ii searvva prošeavttaid ruhtadeapmái main gollomeroštallan lea badjel 5 000 000 ru
• Iežasoassi nugo iežas bargu ja iežas ávdnasat eai sáhte leat eanet go 20 % dohkkehuvvon gollomeroštallamis
Máksineavttut:
• Doarjja fysihkalaš investeremiidda máksojuvvo ollásit dalle go gustovaš duođaštus lea bukto¬juvvon. Gustovaš duođaštus lea duođaštus báŋkkus, fápmuduvvon rehketdoallo¬dárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Investeremiid mat leat čađahuvvon sáhttá maiddái duođaštit báŋkočáláhusain mas guittet leat mielde
• Doarjja prošeavttaide máksojuvvo 50 % dalle go prošeakta álggahuvvon. Loahppa 50 % máksojuvvo go prošeakta lea čađahuvvon, golut duođaštuvvon ja prošeaktaraporta buktojuvvon
• Doarjaga oktavuođas prošeavttaide galgá buktojuvvot rehketdoallu ruđaid geavaheamis ulbmila ja eavttuid mielde. Jus doarjja lea badjel 150 000 ru, de galgá registrerejuvvon dahje stáhtafápmuduvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon. Rehketdoallu galgá dávistit dohkkehuvvon gollomeroštallamiin
• Prošeakta galgá gárvvistuvvot maŋimustá jagi sisa doarjjareivve dáhtona rájes. Ohcama mielde sáhttá prošeakta oažžut guhkit gárvvistanáiggi, gitta guovtti jagi rádjai maŋŋá doarjjareivve dáhtona, dat ferte vuođustuvvot. Jus doaibmabidju ii gárvvistuvvo mearriduvvon áigemeari sisa, de sihkkojuvvo doarjja almmá ovdagihtii dieđiheami haga
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Ortnega hálddaša Sámedikki doarjjastivra.
Jahkái 2010 várrejuvvo 7 947 000 ru doarjjan iešguđege lágan ealáhusaide.
Dáppe gávnnat ohcanskovi
7.3.1.2 Mariidnaealáhusat
Vuoruheamit 2010:s:
• Doarjja bivdofatnasiid oastimii mat leat vuollel 25 jagi
• Doarjja vuostáiváldinrusttegiid viidáset ovddideapmái ja ođasmahttimii
• Ođđa buktagiid ásahemiide, ovddideapmái ja/dahje viidáset náláštuhttimii mariidnaealáhusaid siskkobealde
2010:s ii addojuvvo doarjja čuovvovažžii:
• Bajásdoallamii, doaibmavuđot goluide, doaibmabijuide mat váikkuhit gilvvu botnjama, mobiila vuojániidda ja gálvojorriide, láigoviesuide, vuorkávisttiide, visttiid ja giddodagaid oastimii, leasemii, seaiva lonuhallamiidda, kurssaid, semináraid ja konferánssaid lágideapmái ja doaibmabijuide mat ruhtaduvvojit almmolaš bušeahtaid bokte
Juolludaneavttut:
• Ohcanáigemearrin leat guovvamánu, cuoŋománu ja čakčamánu 1. beaivvit 2010.s
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Ohcamiid árvvoštallamis lea deaŧalaš árvvoštallat dásseárvoperspektiivva
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid
• Doarjaga oktavuođas bivdofatnasiidda galgá doarjjaoažžu leat registrerejuvvon Guolástusmanntállas
• Doarjaga oktavuođas gádderusttegii, galgá dain leat dohkkehuvvon vuostáiváldin- ja oastinduođaštus
• Ásahuvvon doaimmat galget leat registrerejuvvon Brønnøysund-registariin
• Ii addojuvvo eanet doarjja prošeavttaide mat juo leat ruhtaduvvon Sámedikki doarjagiiguin dahje vejolaš liigegoluide
• Ásahuvvon doaimmat mat ožžot doarjaga galget sáhttit čujuhit fitnodatekonomalaš gánnáhahttivuhtii
• Vuolimuš doarjjarádji prošeavttaide dahje doaibmabijuide lea 30 000 ru. Doarjjaohcamat mat leat unnit go 30 000 ru máhcahuvvojit almmá realitehtameannudeami haga
Meroštallannjuolggadusat:
• Gitta 30 % rádjai dohkkehuvvon gollomeroštallamis ja eanemusat 300 000 ru
• Gitta 30 % rádjai dohkkehuvvon gollomeroštallamis ja eanemusat 150 000 ru geavahuvvon fatnasiidda mat leat vuollel 25 jagi
• Ovttasbargodoaibmabijuid oktavuođas main lea stuorra mearkkašupmi báikkálaš sámi álbmogii, lea stuorámus doarjja 500 000 ru
• Sámediggi ii searvva prošeavttaid ruhtadeapmái main gollomeroštallan lea badjel 5 000 000 ru
• Iežasoassi nugo iežas bargu ja iežas ávdnasat eai sáhte leat eanet go 20% dohkkehuvvon gollomeroštallamis
Máksineavttut:
• Doarjja fysihkalaš investeremiidda máksojuvvo ollásit dalle go gustovaš duođaštus lea bukto¬juvvon. Gustovaš duođaštus lea duođaštus báŋkkus, fápmuduvvon rehketdoallodárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Investeremiid mat leat čađahuvvon sáhttá maiddái duođaštit báŋkočáláhusain mas guittet leat mielde
• Doarjja prošeavttaide máksojuvvo 50 % dalle go prošeakta álggahuvvon. Loahppa 50 % máksojuvvo go prošeakta lea čađahuvvon, golut duođaštuvvon ja prošeaktaraporta buktojuvvon
• Doarjaga oktavuođas prošeavttaide galgá buktojuvvot rehketdoallu ruđaid geavaheamis ulbmila ja eavttuid mielde. Jus doarjja lea badjel 150 000 ru, de galgá registrerejuvvon dahje stáhtafápmu-duvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon
Prošeakta galgá gárvvistuvvot maŋimustá jagi sisa doarjjareivve dáhtona rájes. Ohcama mielde sáhttá prošeakta oažžut guhkit gárvvistanáiggi, gitta guovtti jagi rádjai maŋŋá doarjjareivve dáhtona, dat ferte vuođustuvvot. Jus doaibmabidju ii gárvvistuvvo mearriduvvon áigemeari sisa, de sihkkojuvvo doarjja almmá ovdagihtii dieđiheami haga
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Ortnega hálddaša Sámedikki doarjjastivra.
Jahkái 2010 várrejuvvo 4 165 000 ru doarjjan mariidnaealáhusaide.
Dáppe gávnnat ohcanskovi
7.3.1.3 Eanandoallu
Vuoruheamit 2010:s:
• Ođđahuksemat ja doaibmavisttiid viidát earáhuhttin
• Doarjja oastit stáhtalaš mielkeeriid ođđaálggaheami oktavuođas
2010:s ii addojuvvo doarjja čuovvovažžii:
• Bajásdoallamii, doaibmavuđot goluide, doaibmabijuide mat váikkuhit gilvvu botnjama, mobiila vuojániidda ja gálvojorriide, láigoviesuide, vuorkávisttiide, visttiid ja giddodagaid oastimii, leasemii, seaiva lonohallamiidda, kurssaid, semináraid ja konferánssaid lágideapmái ja doaibmabijuide mat ruhtaduvvojit almmolaš bušeahtaid bokte
Juolludaneavttut:
• Ohcanáigemearrin leat guovvamánu, cuoŋománu ja čakčamánu 1. beaivvit 2010:s
• Ohcanáigemearri oastit mielkeeari lea guovvamánu 1. b. 2010
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid
• Galgá leat dohkálaš fágagelbbolašvuohta nugo relevánta oahppu ja ámmátvásihus
• Ásahuvvon doaimmat mat ožžot doarjaga galget sáhttit čujuhit fitnodatekonomalaš gánnáhahttivuhtii
• Ásahuvvon doaimmat galget leat registrerejuvvon Brønnøysund-registariin
• Ii addojuvvo eanet doarjja prošeavttaide mat juo leat ruhtaduvvon Sámedikki doarjagiiguin dahje vejolaš liigegoluide
• Vuolimuš doarjjarádji prošeavttaide, doaibmabijuide dahje mielkeeriide lea 30 000 ru Doarjjaohcamat mat leat unnit go 30 000 ru máhcahuvvojit almmá realitehtameannudeami haga.
Meroštallannjuolggadusat:
• Eanemusat 400 000 ru ja gitta 30 % rádjai dohkkehuvvon gollomeroštallamis
• Ovttasbargodoaibmabijuid oktavuođas main lea stuorra mearkkašupmi báikkálaš sámi álbmogii, lea stuorámus doarjja 500 000 ru
• Sámediggi ii searvva prošeavttaid ruhtadeapmái main gollomeroštallan lea badjel 5 000 000 ru. Dás sáhttá spiehkastit go guoská doaibmavisttiid investeremiidda ovttasbargodoaibmabijuid/ oktasašdoaimma oktavuođas
• Iežasoassi nugo iežas bargu ja iežas ávdnasat eai sáhte leat eanet go 20% dohkkehuvvon gollomeroštallamis
• Eanemusat 100 000 ru ja gitta 1 ru. rádjái mielkelihttaris doarjjan go oastá stáhtalaš mielkeeari ođđaálggaheami oktavuođas. Eanemus almmolaš ruhtadoarjja ii galgga leat badjel 50 % (1,75 ru lihttaris)
Máksineavttut:
• Doarjja fysihkalaš investeremiidda máksojuvvo ollásit dalle go gustovaš duođaštus lea bukto¬juvvon. Gustovaš duođaštus lea duođaštus báŋkkus, fápmuduvvon rehketdoallodárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Investeremiid mat leat čađahuvvon sáhttá maiddái duođaštit báŋkočáláhusain mas guittet leat mielde
• Doarjaga máksima ovddas doaibmavisttiide, galgá gárvvisduođaštus buktojuvvot
• Prošeakta galgá gárvvistuvvot maŋimustá jagi sisa doarjjareivve dáhtona rájes. Ohcama mielde sáhttá prošeakta oažžut guhkit gárvvistanáiggi, gitta guovtti jagi rádjai maŋŋá doarjjareivve dáhtona, dat ferte vuođustuvvot. Jus doaibmabidju ii gárvvistuvvo mearriduvvon áigemeari sisa, de sihkkojuvvo doarjja almmá ovdagihtii dieđiheami haga
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Ortnega hálddaša Sámedikki doarjjastivra.
Jahkái 2010 várrejuvvo 4 799 000 ru doarjjan eanandollui. Rámmas várrejuvvo 300 000 ru mielkeeriid oastimii.
Dáppe gávnnat ohcanskovi
7.4 Lotnolasealáhusaid árvoháhkanprográmma
7.4.1 Lotnolasealáhusat - lotnolasealáhusaid árvoháhkanprográmma
Vuoruheamit 2010:s:
• Buvttaovddideapmi ja meahccebuktagiid kvalitehta sihkkarastin
• Vuovdin- ja márkandoaibmabijut meahcceealáhusaid siskkobealde
• Vásihusvuđot mátkeealáhusdoaimmaid ovddideapmi
• Smávitlágan biebmobuvttadeapmi
• Vuovdaleapmi sámi biepmuin mátkkoštanealáhusa ja dárjjodanealáhusa siskkobealde
• Meahccebuktagiid ja sáivaguliid vuostáiváldinrusttegat
• Gelbbolašvuođa buorideapmi mátkkoštanealáhusaid ja meahcceealáhusaid siskkobealde
• Ođđaálggaheaddjit geat áigot álggahit meahcceealáhus- ja mátkkoštanealáhusdoaimmaid
2010:s ii addojuvvo doarjja čuovvovažžii:
• Bajásdoallamii, doaibmavuđot goluide, doaibmabijuide mat váikkuhit gilvvu botnjama, mobiila vuojániidda ja gálvojorriide, láigoviesuide, vuorkávisttiide, visttiid ja giddodagaid oastimii, leasemii, seaiva lonohallamiidda, kurssaid, semináraid ja konferánssaid lágideapmái ja doaibmabijuide mat ruhtaduvvojit almmolaš bušeahtaid bokte
Juolludaneavttut:
• Ohcanáigemearrin leat guovvamánu, cuoŋománu ja čakčamánu 1. beaivvit 2010:s. Álggahanstipeandda ohcanáigemearri lea guovvamánu 1. b.
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Ohcamiid árvvoštallamis lea deaŧalaš árvvoštallat dásseárvoperspektiivva
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid
• Ferte leat dohkálaš fágagelbbolašvuohta nugo relevánta oahppu ja ámmátvásihus
• Ásahuvvon doaimmat mat ožžot doarjaga galget sáhttit čujuhit fitnodatekonomalaš gánnáhahttivuhtii
• Ásahuvvon doaimmat galget leat registrerejuvvon Brønnøysund-registariin
• Ii addojuvvo eanet doarjja prošeavttaide mat juo leat ruhtaduvvon Sámedikki doarjagiiguin dahje vejolaš liigegoluide
• Doaibma mii čuohcá negatiivvalaččat nu unnán go vejolaš lundui, kultuvrii ja birrasii
• Álggahanstipeandda sáhttá oažžut gitta jagi rádjái
• Álggahanstipeandda sáhttá oažžut sihke plánemii ovdal ođđaálggaheami ja ieš ođđaálggaheapmái
• Stipeandda sáhttá oažžut gokčan dihte muhtin ráje birgengoluin (iežas bálká), konsuleantaveahkkái, márkaniskkadeapmái, oahpaheapmái, geahččalanbuvttadeapmái, mátkegoluide, unnit investeremiidda, bálkáhit veahki dahje sadjásačča, konseaptaovddideapmái ja eará fitnodatplánemii. Olggosgolut divadiidda jna almmolaš instánssaide eai gokčojuvvo
• Vuolimuš doarjjarádji prošeavttaide dahje doaibmabijuide lea 20 000 ru. Doarjjaohcamat mat leat unnit go 20 000 ru máhcahuvvojit almmá realitehtameannudeami haga
Meroštallannjuolggadusat:
• Gitta 50 % rádjai doarjja dohkkehuvvon goluid vuođul. Stuorámus doarjja lea 300 000 ru Ovttasbargodoaibmabijuid oktavuođas main lea stuorra mearkkašupmi báikkálaš sámi álbmogii, lea stuorámus doarjja 500 000 ru
• Unnimus doarjja lea 20 000 ru
• Sámediggi ii searvva prošeavttaid ruhtadeapmái main gollomeroštallan lea badjel 5 000 000 ru
• Iežasoassi nugo iežas bargu ja iežas ávdnasat eai sáhte leat eanet go 20% dohkkehuvvon gollomeroštallamis
Álggahanstipeandda meroštallannjuolggadusat:
• Sáhttá oažžut gokčojuvvot gitta 75 % rádjái dohkkehuvvon goluin, gitta 150 000 ru rádjái
• Alcces bálká sáhttá leat gitta 12 000 ru rádjái mánus. Alcces bálká sáhttá unniduvvot jus stipeandaoažžus lea eará dienas stipeandaáigodagas
Máksineavttut:
• Doarjja fysihkalaš investeremiidda máksojuvvo ollásit dalle go gustovaš duođaštus lea bukto¬juvvon. Gustovaš duođaštus lea duođaštus báŋkkus, fápmuduvvon rehketdoallodárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Investeremiid mat leat čađahuvvon sáhttá maiddái duođaštit báŋkočáláhusain mas guittet leat mielde
• Doarjja prošeavttaide máksojuvvo 50 % dalle go prošeakta álggahuvvo. Loahppa 50 % máksojuvvo go prošeakta lea čađahuvvon, golut duođaštuvvon ja prošeaktaraporta buktojuvvon
• Doarjaga oktavuođas prošeavttaide galgá buktojuvvot rehketdoallu ruđaid geavaheamis ulbmila ja eavttuid mielde. Jus doarjja lea badjel 150 000 ru, de galgá registrerejuvvon dahje stáhtafápmuduvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon. Rehketdoallu galgá dávistit dohkkehuvvon gollomeroštallamii.
• Prošeakta galgá gárvvistuvvot maŋimustá jagi sisa doarjjareivve dáhtona rájes. Erenoamáš oktavuođain sáhttá prošeakta oažžut guhkit gárvvistanáiggi gitta guokte jagi rádjai maŋŋá doarjjareivve dáhtona, dat ferte sierra vuođustuvvot. Jus doaibmabidju ii gárvvistuvvo mearriduvvon áigemeari sisa, de sihkkojuvvo doarjja almmá ovdagihtii dieđiheami haga.
Álggahanstipeandda máksineavttut:
• 75 % máksojuvvo go álggaheaddji dan bivdá stipeandaáigodaga álggus. Loahppa 25 % máksojuvvo go prošeaktaraportta ja dohkálaš duođaštusat geigejuvvojit. Gustovaš duođaštus lea duođaštus báŋkkus, fápmuduvvon rehketdoallodárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Investeremiid mat leat čađahuvvon sáhttá maiddái duođaštit báŋkočáláhusain mas guittet leat mielde. Prošeaktaraporta galgá dávistit prošeaktaplánain ja mearrádusa eavttuiguin
• Prošeakta galgá gárvvistuvvot maŋimustá jagi sisa doarjjareivve dáhtona rájes. Ohcama mielde sáhttá prošeakta oažžut guhkit gárvvistanáiggi, gitta guovtti jagi rádjai maŋŋá doarjjareivve dáhtona, dat ferte vuođustuvvot. Jus doaibmabidju ii gárvvistuvvo mearriduvvon áigemeari sisa, de sihkkojuvvo doarjja almmá ovdagihtii dieđiheami haga
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Sámedikki doarjjastivra hálddaša Sámedikki ruđaid lotnolasealáhusaide.
Jahkái 2010 várrejuvvo 3 150 000 ru lotnolasealáhusaide. Rámmas várrejuvvo 600 000 ru álggahan-stipeanddaide.
Dáppe gávnnat ohcanskovi
7.4.2 Duodji - fidnooahppiortnet - lotnolasealáhusaid ja sámi mátkkoštanealáhusaid árvoháhkanprográmma
Doarjjaortnega mihttomearri:
• Rekrutteren duodjeealáhussii
Doarjjaoažžu:
• Boazodoalu oahppokantuvra
Doarjjaortnega olahusjoavku:
• Duodjefidnooahppit
Ulbmilolahusa eavttut:
• Man ollu duodjefidnooahppit
Juolludaneavttut:
• Fidnooahppišiehtadusa galgá Yrkesopplæringsnemnda leat dohkkehan
• Fidnooahppišiehtadusat eai sáhte bistit guhkit go guokte jagi, spiehkastahkan leat permišuvnnat mat addojuvvojit áhpehisvuođa ja buozalmasvuođa geažil. Erenoamáš oktavuođain sáhttá šiehtadusaid guhkidit gitta golmma jagi rádjai. Dan ferte fylkkagielda dohkkehit. Fidnooahppi bálká lea dattetge ráddjejuvvon dasa mii vástida guovtti jagi oahppanáiggi
• Fidnoohppiin galgá leat teorehtalaš duodjegelbbolašvuohta dahje gelbbolašvuohta sullasaš fágain ovdalgo fidnooahppišiehtadusa sáhttá dahkat
• Fidnoohppiid vállje sierra sisaváldinnammagoddi mas leat golbma lahtu
• 2010 doaibmaplána sáddejuvvo Sámediggái maŋimustá njukčamánu 1. b. 2010
• Jagi 2009 rehketdoallodárkkisteaddji duođaštan rehketdoallu mii dávista doaibmaplánii, sáddejuvvo Sámediggái maŋimustá borgemánu 1. b. 2010
• Raporta ruđaid geavaheamis jagi 2009 doaibmaplána mielde, sáddejuvvo Sámediggái maŋimustá borgemánu 1. b. 2010
• 50 % doarjagis máksojuvvo bušeahttajagi álggus. Loahppa 50 % máksojuvvo dalle go doarjjaeavttut leat ollašuhttojuvvon ja šiehtaduvvon fidnooahppišiehtadusaid vuođul.
• Jus doarjjaeavttut eai leat ollašuhttojuvvon borgemánu 1. b. 2010 rádjai, de ii sáhte doarjjaoažžu vuordit ahte oažžu doarjaga Sámedikkis 2011:s. Doarjja sáhttá gáibiduvvot máksojuvvot ruovttoluotta Sámediggái jus vuostáiváldi ii ollašuhte eavttuid nu mo lea eaktuduvvon
Meroštallannjuolggadusat:
• Juohke fidnooahppi nammii addojuvvo fidnooahppifitnodahkii 100 000 ru doarjjan fidnoohppiid bálkká várás. Sáhttá váldit sisa eanemusat 10 fidnooahppi 2010:s
• Addojuvvo 500 000 ru 10 fidnooahppišiehtadusa hálddašeami várás
Jahkái 2010 várrejuvvo 1 500 000 ru Duodji - fidnooahppiortnega várás lotnolasealáhusaid árvoháhkanprográmmas.
7.5.1 Doaibmadoarjja - duoji ealáhusšiehtadus
Doarjjaortnega mihttomearri:
• Iešráhkaduvvon gálvvuide buoret johtu
Doarjjaortnega olahusjoavku:
• Ovttaolbmofitnodagat mat devdet doaibmadoarjaga oažžuneavttuid
Doarjjaeavttut:
• Ohcci galgá deavdit Sámedikki jienastuslohkui čálihaneavttuid, muhto ii dárbbaš leat čálihan iežas jienastuslohkui. Erenoamáš oktavuođain sáhttá dán gáibádusas spiehkastit
• Lea ovttaolbmofitnodat ja lea čálihuvvon lasseárvodivatlohkui
• Iešráhkaduvvon dujiid vuovdin sámi kultuvrra ja árbevieruid vuođul unnimusat 50.000 ru ovddas mas ii leat mielde lasseárvodivat
• Ieščilgehusain duođaštit ahte sus lea reálagelbbolašvuohta ja/dahje duođaštus formála gelbbolašvuođas sámi duojis
• Ohccit geat ožžot doaibmadoarjaga leat geatnegasat addit dárbbašlaš dieđuid ekonomalaš raportta ráhkadeami bokte
Ulbmilolahusa eavttut:
• Man ollu duodjefitnodagat organiserejuvvon ovttaolbmofitnodahkan
Juolludaneavttut:
• Ohcanáigemearri lea golggotmánu 25. b. 2010. Ohcamat sáddejuvvon dien beaivvi maŋŋá, eai meannuduvvo
• Sámedikki ohcanskovvi ortnega várás galgá geavahuvvot
• Doarjjaoažžu galgá deavdit doaibmadoarjaga eavttuid
• Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat, ja gáibádusain mat leat addojuvvon Sámedikki 2010 bušeahttadokumeantta kapihttalis 3.2 ohcanvuđot doarjagat
Meroštallannjuolggadusat:
• Doarjja rehkenastojuvvo iešráhkaduvvon duoji dohkkehuvvon gávpejođu mielde, gitta 40 % rádjai, stuorámus doarjja lea 150 000 ru
Ortnega hálddaša Sámedikki doarjjastivra.
Jahkái 2010 várrejuvvo 3 650 000 ru doaibmadoarjjan duojáriidda - Duodjeealáhusa ealáhusšiehtadus.
Dáppe gávnnat ohcanskovi
7.5.2 Investeren- ja ovddidandoarjja - duoji ealáhusšiehtadus
Vuoruheamit 2010:s:
• Gelbbolašvuođa bajideami doaibmabijut álggaheddjiid ja ásahuvvon doaimmaheddjiid várás
• Investeremat ja doaibmabijut mat váikkuhit fitnodatovddideapmái
• Ovddidanprošeavttat duodjeealáhusa várás
• Vuovdin- ja vuovdalandoaibmabijut
• 100 000 ru várrejuvvo duodjestipeandan daidda ohppiide geat váldet joatkkaoahpu
Dáid doaimmaide ii addojuvvo doarjja 2010:s:
• Bajásdoallamii, goluide mat čatnasit doaimmaheapmái, doaibmabijuide mat rievdadit gilvvohallandili, mobiila fievrruide ja jorriide, láigovisttiide, rádjovisttiide, visttiid ja opmodagaid oastimii, leasemii, buhtes lonohallamiidda, semináraid ja konferánssaid lágidemiide ja doaibmabijuide mat ruhtaduvvojit almmolaš bušeahttapoasttain
Juolludaneavttut
• Ohcanáigemearit leat cuoŋománu 1. b. ja čakčamánu 1. b. 2010
• Álggahanstipeandda ohcanáigemearri lea guovvamánu 1. b. Ohcanáigemearri duodjeohppiid stipendii joatkkaskuvllain lea guovvamánu 1. b. 2010
• Ohcamat fertejit gullat Sámedikki 2010 vuoruhemiide
• Sámedikki ohcanskovvi ortnega várás galgá geavahuvvot
• Doarjjaoažžu ferte 3 vahku siste maŋŋá doarjjareivve beaivádeami čálalaččat dohkkehit doarjjaeavttuid
• Dohkálaš fágagelbbolašvuohta nugo guoskevaš oahppu ja fidnovásáhusat
• Vuođđuduvvon doaimmat galget leat logahallojuvvon Brønnøysund-registariidda
• Ii addojuvvo šat eanet doarjja prošeavttaide mat leat jo ruhtaduvvon Sámedikki doarjagiiguin, dahje vejolaš lassegoluide
• Álggahanstipeanda sáhttá juolluduvvot gitta ovtta jagi rádjái
• Álggahanstipeandda sáhttá oažžut sihke plánemii ovdal ođđaálggaheami ja ieš ođđaálggaheapmái
• Stipeandda sáhttá oažžut gokčan dihte muhtin ráje eallinruđain (alcces bálká), konsuleantaveahkkái, márkaniskkadeapmái, oahpaheapmái, geahččalanbuvttadeapmái, mátkegoluide, unnit investeremiidda, bálkáhit veahki dahje sadjásačča, konseaptaovddideapmái ja eará fitnodatplánemii. Olggosgolut divvagiidda jna almmolaš instánssaide eai gokčojuvvo
• Prošeakta- dahje doaibmabidjodoarjaga vuolimus rádji lea 20 000 ru. Vuollel 20 000 ruvdnosaš doarjjaohcamat máhcahuvvojit almmá meannudeami haga
Meroštallannjuolggadusat:
• Sáhttá oažžut gitta 50 % doarjaga dohkkehuvvon gollomeroštallamiin. Eanemus doarjja lea 400 000 ru
• Buvttaovddideami oktavuođas sáhttá váldit mielde gitta 12 000 ruvdnosaš birgengoluid mánnui ja doarjjamearri lea gitta 60 % gollomeroštallamiin
• Jahkásaš stipeandarámma nuoraide geain lea duodji, juogaduvvo luohtta sin gaskkas geain lea vuoigatvuohta oažžut doarjaga ja geat ollašuhttet juolludaneavttuid. Juohke oahppi sáhttá oažžut eanemusat 10 000 ru stipeandan jahkái
• Go lea dakkár ovttasbargodoaibmabidju mas lea stuorra mearkkašupmi báikkálaš sámi álbmogii, de lea eanemus doarjja 500 000 ru
• Sámediggi ii searvva dakkár prošeaktaruhtadeapmái man gollomeroštallan lea badjel 5 000 000 ru
• Iežas bargu ja iežas ávdnasat eai sáhte leat badjel 20 % dohkkehuvvon gollomeroštallamiin
Meroštallannjuolggadusat álggahanstipendii:
• Sáhttá oažžut gokčojuvvot gitta 75 % rádjái dohkkehuvvon goluin, gitta 150 000 ru rádjái
• Alcces bálká sáhttá leat gitta 12 000 ru rádjái mánus. Alcces bálká sáhttá unniduvvot jus stipeandaoažžus lea eará dienas stipeandaáigodagas
Máksineavttut:
• Doarjja fysihkalaš investeremiidda máksojuvvo ollásit go dohkálaš duođaštus lea sáddejuvvon. Dohkálaš duođaštus lea duođaštus báŋkkus, autoriserejuvvon rehketdoallis, registrerejuvvon dahje stáhtafápmuduvvon rehketdoallodárkkisteaddjis. Báŋkočáláhus oktan mielddistuvvon fakturaiguin sáhttá maid leat duođaštussan dasa ahte investeremat leat čađahuvvon
• Prošeaktadoarjagiid oktavuođas máksojuvvo 50 % go prošeakta álggahuvvo. Loahppa 50 % máksojuvvo go prošeakta lea čađahuvvon, golut duođaštuvvon ja prošeaktaraporta buktojuvvon
• Prošeaktadoarjagiid oktavuođas galgá leat rehketdoallu mii čájeha ruhtageavaheami mihttomeriid ja eavttuid ektui. Jus doarjja lea badjel 150 000 ru, de galgá rehketdoalu leat registrerejuvvon dahje stáhtafápmuduvvon rehketdoallodárkkisteaddji leat duođaštan
• Doaibmabidju galgá lea válmmas maŋimusat jagi maŋŋá doarjjareivve beaivádeami. Erenoamáš diliid geažil sáhttá doaibmabiju válbmema oažžut maŋiduvvot gitta 2 jagi radjái maŋŋá doarjjareivve beaivádeami, dán ferte erenoamážit čilget. Jus doaibmabidju ii gárvvistuvvo mearriduvvon áigemearis, de sihkkojuvvo doarjja almmá ovddalgihtii dieđiheami
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Ortnega hálddaša Sámedikki doarjjastivra.
Jahkái 2010 várrejuvvo 3 100 000 ru investeren- ja ovddidandoarjjan duojáriidda. Rámmas várrejuvvo 600 000 ru álggahanstipeanddaide.
Dáppe gávnnat ohcanskovi: Investeren- ja ovddidandoarjja - duodješiehtadus
Dáppe gávnnat ohcanskovi: Duodjestipeanda ohppiide geain lea duodji joatkkaskuvllas
7.5.5 Vuovdinbáikkit duoji várás- ohcanvuđot doarjagat - duoji ealáhusšiehtadus
Juolludaneavttut:
• Ohcanáigemearri lea guovvamánu 1. b. 2010. Ohcamat sáddejuvvon dien beaivvi maŋŋá, eai meannuduvvo
• Sámedikki ohcanskovvi ortnega várás galgá geavahuvvot
• Sirddekeahtes duodjegávppit mat leat doaimmas birra jagi ja mat vuvdet sámi dujiid. Dát mearkkaša duodjegávppit main leat fásta rahpanáiggit, ja leat rabas unnimusat 5 beaivvi vahkus
• Gávppit galget 2009:s vuovdán gaskkal 350 000 ja 1 000 000 ru ovddas
• Doaimmat galget leat logahallojuvvon Brønnøysund-registariin ja lasseárvodivatregistaris
• Galgá ráhkaduvvot doaibmaplána mas lea bušeahtta doarjaga geavaheamis maid Sámediggi galgá dohkkehit
• Doaimmat mat ožžot doaibmadoarjaga eará poasttaid bokte Sámedikki bušeahtas, dahje poastta 6.3.4 bokte, eai sáhte oažžut doarjaga dán ortnega bokte.
Meroštallannjuolggadusat:
• Rámma juogaduvvo ovtta mađe doarjjavuoigadahttojuvvon ohcciid gaskkas. Muhto ovttaskasohccit eai sáhte oažžut eambbo go 200 000 ru doarjaga
Máksineavttut:
• 50 % doarjagis máksojuvvo go máksinávžžuhus boahtá. Loahppa 50 % máksojuvvo go prošeaktaraporta ja dohkálaš duođaštusat leat geigejuvvon. Gustovaš duođaštus lea duođaštus báŋkkus, fápmuduvvon rehketdoallodárkkisteaddjis, registrerejuvvon dahje stáhtafápmuduvvon rehketdoallodárkkisteaddjis. Doaimmaid mat leat čađahuvvon sáhttá maiddái duođaštit báŋkočáláhusain mas guittet leat mielde. Maŋemus máksinávžžuhus galgá ovdanbuktojuvvon maŋemusat guovvamánu 1. b. 2011
• Jus doarjja lea badjel 150 000 ru, de galgá registrerejuvvon dahje stáhtaautoriserejuvvon rehketdoallodárkkisteaddji duođaštit rehketdoalu mii čájeha mo ruđat leat geavahuvvon
Muđui gustojit dat njuolggadusat maid Sámediggi lea mearridan áššis 43/07 Daid doarjagiid hálddašeami ođasmahttin maid Sámedikkis sáhttá ohcat.
Ortnega hálddaša Sámedikki doarjjastivra.
Jahkái 2010 várrejuvvo 550 000 ru vuovdinbáikkiide duoji várás.
Dáppe gávnnat ohcanskovi