Sámediggeráđđi doarju vuođđoárvvuid mat leat vuođđun oskkolaš ja politihkalaš biktasiid ja symbolaid reguleremii duopmostuoluin, muhto oaivvilda ahte njuolggadusat eai galgga guoskat sámegávtti geavaheapmái.
Sámediggeráđđi guorrasa evttohusa ulbmilii ahte riekti ja duopmárat galggašedje leat bealátkeahtes ja sorjjasmeahttumat, muhto dattetge ii doarjjo evttohusa ahte gieldit sámegávtti geavaheames rievttis.
Sámedikki gulaskuddanvástádus lea mielddusin.