Evttohusa duogážin lea ođđa plána- ja huksenláhka mii bođii fápmui suoidnemánu 1. b. 2009. Okta mii galgá vuhtii váldojuvvot plánemis dan ođđa lága mielde lea sámi kultuvrra, ealáhusovddideami ja servodateallima luondduvuđđosa sihkkarastin. Lága mielde lea Sámediggi geatnegahtton searvat plánemii, ja dát geatnegasvuohta addá maiddái vuoigatvuođa buktit vuosteákkaid areálaplánaide.
Plánabagadanevttohus čielggasmahttá mainna lágiin Sámediggi galgá searvat plánabargui.
Sámegielveršuvdna plánabagadusas biddjojuvvo Sámedikki neahttasiidui.
Oktavuohtaolbmot leat:
Seniorráđđeaddi Sunniva Skålnes,
epoasta: sunnniva.skalnes@samediggi.no, tlf. 78 48 42 43
Seniorráđđeaddi Torvald Falch,
epoasta: torvald.falch@samediggi.no, tlf. 950 64 655