Eanandoarggástus lea čuohcan sullii 3 miljovnna olbmui Haiti 9 miljovnna ássiin. ON gulahii bearjadaga mannan vahkkus ahte dárbbašuvvo sullii 3,7 miljárdda ruvdno heahteveahkkin Haiti eanandoarggástusgillájeddjiide. Rukses Ruossa lea okta veahkkeorganisašuvnnain mat barget árjjalaččat buoridit Haiti álbmoga dili, earret eará ceggejit sii mobiila fealtabuohcciviesuid.
Sámediggepresideanta Egil Olli ávžžuha buohkaid, sihke priváhta olbmuid, fitnodagaid ja organisašuvnnaid, addit ruđa dán roassogillájeaddji riikii.