Boazodoallostivra lea almmolaš hálddašanorgána mii galgá veahkehit eiseválddiid ollašuhttit boazodoallopolitihka bajimus ulbmiliid maid Stuorradiggi lea mearridan. Boazodoallostivrras leat ollu bargamušat mat leat mearriduvvon boazodoallolágas dahje dan vuođul.
Sámedigge ráđđelahttu Ellinor Marita Jåma lea duđavaš ođđa boazodoallostivrrain.
-Dat lea buorre go boazodoalus lea eanetlohku boazodoallostivrras, go sis lea eanemus gelbbolašvuohta boazodoaluáššiin, lohká Jåma.
-Son lea maid duđavaš go boazodoalostivrras lea jođiheaddji, geas lea luohtámuš ealáhusas, lohká Jåma.
Čuovvovaš lahtut oktan persovnnalaš várrelahtuiguin leat nammaduvvon:
1. Fylkkamánni Inge Ryan, Levanger, várrelahttu: diggegottedoapmár Siri Vigmostad, Skien
2. Boazoeaiggát Alf Johansen, Porsáŋgu, várrelahttu: ráđđeaddi Tove-Lill Labahå Magga, Njávdán.
3. Veahkkeeanadoallodirektevra Jan-Yngvar Kiel, Troanddin, várrelahttu: fágahoavda Magnhild Melandsø, Troanddin.
4. Boanda Liv-Julie Wågan, Sømna, várrelahttu: veterinára Gaute Helland, Lom
5. Boazoeaiggát Berit Marie P. E. Eira, Guovdageaidnu, várrelahttu: Mikkel Per Bongo, Guovdageaidnu
6. Boazoeaiggát Berit Oskal E. Eira, Deanja, várrelahttu: Johan Anders Oskal, Vuollegeahči
7. Boazoeaiggát Jon Anders Mortensson, Drevsjø, várrelahttu: Ida Marie Bransfjell, Troanddin