Sámediggeráđis lea ráđđečoahkkin 05.-07.10.2010  Bådåddjos. Čoahkkin álgá dii. 09.00 Clarion Collection Hotel Grand, Storgata 3, Bådåddjos. Dá lea áššelista:

Ráđđelahttu Vibeke Larsen lei mielde čakčamánu 10. b. semináras boahtteáiggi sámi museaid birra maid Sámi museasearvi lágidii. Sámediggeráđi lahttu Larsen hálai sáhkavuorustis earret eará daid hástalusaid birra mat sámi museain Norggas leat ovddabealde.

Sámedikki dievasčoahkkin dollojuvvo čoahkkinplána mielde čakčamánu 27. - 30. b. 2010. Dievasčoahkkin álgá maŋŋebárgga čakčamánu 28.b. dii. 09.00 ja loahpahuvvo bearjadaga čakčamánu 30.b. ovdal dii. 15.00.

Sámediggi almmuha dákko bokte valáštallanstipeandda sámi nuoraide. Ulbmil valáštallanstipeanddain lea movttidahttit nuorra valáštalliid áŋgiruššat valáštallat.

Sámediggi lea ovttasráđiid Máhttodepartemeanttain ráhkadan diehtojuohkingihppaga mánáidgárdefálaldagaid birra sámi mánáide.

Sámedikki dievasčoahkkin mearridii 23. vahkus Sámediggeráđi evttohusa plánaveahkis sámi kultuvrra, ealáhusovddideami ja servodateallima sihkkarastimii plánema várás plána- ja huksenlága plánaoasi mielde (Sámedikki plánaveahkki).

Sámi statistihkka 2010 girjjis leat statistihkat mat gusket Norgga sámi servodatdilálašvuođaide. Statistihkain adnojuvvo eanas geográfalaš lahkaneapmi, mas deattuhuvvojit sámi ássanguovllut Sáltoduoddara davábealde. Lassin dasa leat maiddái muhtun sámi statistihkat mat gusket olles riikii.

Dás gávnnat diehtojuohkingihppaga ohppiid oahpahusvuoigatvuođa birra sámegielas dahje sámegillii, ja makkár geatnegasvuođaid dat buktá skuvlaeaiggádii.

Guovtti konsultašuvdnačoahkkima maŋŋá, miessemánu 11. b. ja 27. b., gaskal Birasgáhttendepartemeantta stáhtačálli Heidi Sørensen ja Sámedikki ráđđelahtu Marianne Balto leat jagi 2010 mearraluossabivddu ođđa láhkaásahusat gárvánan.

Sámediggeráđđi rámida Deanulávdegotti go lea čađahan vuđolaš ja bures ákkastuvvon barggu, ja deattuha ahte lávdegotti evttohus lea ovttajienalaš. - Mii  leat ilus go Deanulávdegoddi ovddida ovttajienalaš evttohusa vaikke vel lávdegottis leat leamaš váttes digaštallamat ja deaŧalaš vihkkedallamt, cealká ráđđelahttu Marianne Balto.

Guovtti raportta vuođul, maid Sámi vuoigatvuođalávdegotti II lea ovddidan ođđa sámevuoigatvuođa birra ja sámi resursageavaheami ja riektedili birra Hedmárkku rájes Romssa fylkka rádjai, lea Ráđđehus bovden Sámedikki konsultašuvnnaide. Vuosttaš konsultašuvnnat galget čađahuvvot giđa mielde ja Sámediggi lea ovdal konsultašuvnnaid doallan máŋga álbmotčoahkkima gullan dihtii olbmuid oainnuid.