Hagbart Grønmo joatká dan virggis maid Josef Vedhugnes doaimmahii mannan jagi lohppii. Grønmo bargá dál jođiheddjiin ja čállin Bargiidbellodaga sámediggejoavkku kantuvrras Kárášjogas.
-Mii leat dárkilit bargan gávdnandihti rivttes olbmo dán dehálaš virgái, lohká sámediggepresideanta Egil Olli.
-Ođđa ráđđeaddis lea juste dát persuvnnalaš attáldagat maid mii leat ohcalan, sus lea buorre hárjáneapmi politihkalaš barggus ja sus leat muđui dat oahppuduogáš maid mii dárbbašeimmet dán virgái, deattuha Olli.
Hagbart Grønmo lea bargan Bargiidbellodaga sámediggejoavkku kantuvrra jođiheaddjin váili 10 jagi. Nu leage sus nana duogáš Sámediggi barggus ja dát leamaš lean nana ággan nammadit su ráđđeaddin. Son lea maiddái golbma áigodagas leamaš lean gielddastivrra áirasiin Kárášjogas.
Grønmo lea lohkan allaskuvlla kandidáhtan ekonomiijas ja hálddašeames.
Son álgá ođđa virgái boahtte vuossárgga.