Nu gohčoduvvon "Norgesglasset" ođđa hámis lea ohcanvuđot Norgga kárta. Dat addá vejolašvuođa navigeret kárttain, ohcat čujuhusaid, muhttit koordináhtačohkiid ja zoomet ovdan ruoktot válljejuvvon guovlluin.
23 000 sámi báikenama
Don sáhtát ohcat eanet go 450 000 báikenama ja birrasii 23 000 sámi báikenama Norggas ja seammás oaččut dan báikenama kártii. Dasto sáhtát don ohcat geaidnočujuhusaid Norggas nu ahte dat bohtet oidnosii seamma kártačuohpastahkii.
Don ozat ná
Jos dus ii leat sámi boallobeavdi, de lea dus vejolašvuohta geavahit virtuála boallobeavddi.
Norgesglasset ođđa veršuvnnas ja skuvlakárta leat geahččalanveršuvnnat, mii mearkkaša dan ahte dat leat ovddiduvvomin, ja designa ja funkšuvdna sáhttet rievdaduvvot almmá ovdagihtii dieđiheami haga.
Liŋka Norgesglasset ođđa veršuvnnas ja skuvlakárta gávdnojit dás: http://www.statkart.no/
Norgesglasset ođđa veršuvnnas: http://kart.statkart.no/adaptive2/default.aspx?gui=1&lang=2
Skuvlakártta geahččalanveršuvdna: http://www.kartiskolen.no/adaptive2/default.aspx?gui=1&lang=2
Norgesglasset ođđa veršuvnnas ozat sámi báikenamaid ná.
1. Deaddil reaidu olgeš bealde. Deaddil oza. Ohcanfeltii čálát dan báikenama maid ozat.
Jos dus ii leat sámi boallobeavdi, de dagat ná:
2. Deaddil virtuála boallobeavdi olgeš bealde fealttas gos áiggut ohcat báikenama.
3. Deaddil No, vállje davvisámegiela. Geavat dan virtuála boallobeavddi čállit sámi namaid ja govčča dan virtuála boallobeavddi.
4. Dál lea báikenamma maid ohcet čállojuvvon feltii gokko ohcet báikenama. Deaddil oza.
Vejolaš lea maiddái čállit dušše oasi namas. Vejolašvuođat leat máŋga, ferte dušše geahččaladdat.
Sámi báikenammakonsuleantta mielas álkiduhttá dát ođas hui ollu sámi báikenamaid geavaheami. Virtuála boallobeavdevuogádat sáhttá orrut váttis, muhto dat lea buorre álgu dasa ahte beassat ohcat sámi báikenamaid kárttas interneahta bokte.