Alf Inge N.Pedersen Álttá suohkanis oččui 134 000 ruvnnu doarjjan oastit bivdofatnasa.
Nubbi gii oaččui doarjaga bivdofatnasii lea Even Einarsen Unjárgga gielddas. Son oaččui 300 000 ruvnnu doarjjan oastit bivdofatnasa kapihttalis mariidna ealáhusat.
- Orru leamen nu ahte Sámediggi lea lihkostuvvan vuoruhemiinis go nuorra guolásteaddjit ožžo eanemus doarjaga Sámedikki doarjjastivrras, dadjá Sámedikki doarjjastivrra jođiheaddji Marie Therese Nordsletta Aslaksen.
Sámedikki doarjjastivra juolludii 10.4 miljon ru doarjjan sierranas ealáhusulbmiliidda maŋimus čoahkkimis Guovdageainnus cuoŋománu 13.-15. b.
Supmit juohkásedje ná:
•· Álggahanstipeanddat : 1.33 milj ru
•· Iešguđetlágan ealáhusat 2.32 milj ru
•· Lotnolasealáhusaid árvoháhkanprográmma ja sámi mátkeealáhusat 1,33 milj ru
•· Duodji: 1.24 milj ru
•· Mariidna ealáhusat 2.08 milj ru
•· Eanadoallu 2.1 milj ru
Sámedikki doarjjastivrra jođiheaddji Marie Therese Nordsletta Aslaksen háliida muđui váldit ovdan čuovvovaš juolludemiid:
•· Torstein Appfjell Grane suohkanis lea ožžon 150 000 ruvdnosaš álggahanstipeandda sáivaguliid vuostáiváldinrusttegii lotnolassan duodjevuovdimiin.
•· Iešguđetlágan ealáhusaid oktavuođas sáhttá namuhit ahte Loabága fysioterapiijabálvalus Aud J. Johnsen bokte Loabága suohkanis lea ožžon 300 000 ruvdnosaš doarjaga ođđa fysioterapiijavistti investeremii.
•· INKA AS. Kárášjoga gielddas lea duodješiehtadusa bokte ožžon 400 000 ruvdnosaš investeren- ja ovddidandoarjaga ođđa vistái.
•· Dalen gård DA, Ivgu suohkanis lea ožžon 400 000 ruvdnosaš doarjaga eanadoallokapihttalis sávzzaidgoađi divvumii/ođasmahttimii.
•· Gisle Pettersen, Deanu gielddas lea ožžon 140 000 ruvdnosaš investerendoarjaga VSP lotnolasealáhusaid ja sámi mátkeealáhusaid kapihttalis mátkeealáhusfitnodaga vuođđudeapmái.
Sámedikki doarjjastivrra boahtte čoahkkin lea Birggonis 15. - 17.06.10.
Dá lea Sámedikki doarjaortnegat: