Julevsámegillii bođii novealla man namma lea "Tjáhppisváre tjiegos". Girječállin leat Sanna Vannar ja Jon Andreas Kuoljok ja soai oaččuiga vuosttaš bálkkašumi 5000,- NOK.
Máttasámegillii bohte vihtta novealla ja jurya válljii vuitiid ná:
1) "Mov aahkan gåetie lea jijnh tjiehtjelh" maid Irja Danielsen lea čállán. Son ássá Drevsjøs ja vázzá Elverum joatkkaskuvlla. Vuoitu lea 5000,- NOK.
2) "MINNEMISNIE". Dan lea Marja Helena Fjellheim Mortensson čállán. Son ássá Drevsjøs ja vázzá Elgå skuvlla. Son vuittii 3000,- NOK.
3)"Gaajhkem sjïeledem". Dan lea čállán Emmi Alette Danielsen, eret Drevsjøs ja son vázzá Elgå skuvlla. Son vuittii 2000,- NOK.
Dasa lassin bohte Sámi giellalávdegoddái ja Š:ii guokte eará novealla. Dat ledje nu buorit ahte mearriduvvui ahte maiddái soai ánssášeaba vuoittu goabbáge. Anja Labj, lea čállán novealla "Såajah". Son ássá Rørosis ja vuittii 1000,- NOK. Nubbi ii áiggo almmuhit namas. Son oassálasti noveallain "Eatnemen mïrhtoe". Son vuoitá maid 1000,- NOK.