Sámediggi sádde čuovvovaš oahppoplánaid gulaskuddamii:
- Tekstiiladuodjefága Jo3/oahppofitnodaga oahppu
- Náhkke- ja guolgaduodjefága Jo3/oahppofitnodaga oahppu
- Čuoldin- ja giehtagođđinduodjefága Jo3/oahppofitnodaga oahppu
- Muorraduodjefága Jo3/oahppofitnodaga oahppu
- Čoarve-, dákte- ja metálladuodjefága Jo3/oahppofitnodaga oahppu
Vihtta oahppoplánajoavkku leat ráhkadan duodjefágaid Jo3/ oahppofitnodaga oahpu oahppoplánaid gulaskuddanevttohusaid, oassin Máhttoloktemis - sámi, mat lea ráhkaduvvon fágaoahppoplánabargguid njuolggadusat vuođul.
Ođđa oahppoplánat eai leat nu dárkilat go dálá oahppoplánat. Sisdoalu guovddáš bealit leat vuoruhuvvon ja dat leat eanet čalmmustahttojuvvon. Oahppoplánat eai čujut organiserema, metodaid ja bargovugiid, dan galgá juohke oahppobáiki ieš mearridit.
Gažaldagat gulaskuddaninstánssaide
Mii bivdit gulaskuddaninstánssaid buktit cealkámuša:
• Fága ulbmila birra
• Fága struktuvrra birra
• Vuođđogálggaid birra
• Fága gelbbolašvuođamihtomeari birra
• Árvvoštallama birra
• Duoji juohkima birra viđa fágan Jo3/ oahppofitnodaga oahpus
• Eará mearkkašumit?
Gulaskuddancealkámušat sáddejuvvojit e- poasttain samediggi@samediggi.no dahje reivviin Sámediggái, Ávjovárgeaidnu 50, 9730 Kárášjohka.
Áigemearri gulaskuddancealkámušaid buktimii Sámediggái lea geassemánu 30. b. 2010.