Museasiida galgá dáinna doaimmain váikkuhit dasa ahte sámi identitehta, sámegiella ja sámi kulturvierut duođaštuvvojit, dahkkojuvvojit oainnusin ja ovddiduvvojit.
- Siida gokčá dan kulturhistorjjá mii čatnas nuortasámi, mearrasámi ja johkasámi kultuvrii ja John Savio dáidagii ja historjái. Siidda bargosuorgi ollá maiddái rastá ráji Rušša ja Suoma beallái. Šaddá miellagiddevaš muosáhit bohtosiid dán lagaš ovttasbarggus, mat vulget oktasaš organisermis, dadjá sámediggeráđđi Vibeke Larsen.
Vuođđudusa ásaheapmi lea oassin nationála museaođastusas ja Tove-Lill Labahå Magga Mátta-Várjjagis válljejuvvui Deanu ja Várjjaga museasiidda stivrajođiheaddjin.