Dat lea Norgga biras- ja ovddidanministtar Erik Solheim guhte lea bovden Bolivia presideantta Evo Morales Norgii.
Prográmma ii leat vel gárvvis. Sámediggi lea bovden Ruoŧa ja Suoma sámedikki presideanttaid galledeapmai.
Sámediggeráđis galget leat politihkálaš ságastallamat presideantta Evo Moralesin go lea Kárášjogas.
-Mis leat olu sullasaš hástalusat go Bolivia ja eará máilmmi álgoálbmogiin, lohká Sámedikki presideanta Egil Olli. Dálkkádatrievdadeamit leat okta ovdamearka, lohká Olli.
Olli galledii Bolivia cuoŋománus. Dalle deaivvai son Bolivia olgoriika- ja álgoálbmotministtára David Choquehuanca.