Geassebargu ofelažžan - Ref.nr. 10/2887
Sámedikkis lea rabas geassevirgi ofelažžan Sámedikki Kárášjogas áigodagas 14.06. - 20.08.2010.
Sámediggi lea rabas dii. 0800 rájes dii. 1530 rádjai ja ofelastin lea juohke nuppi diimmus dii. 0830 rájes dii. 1530 rádjai. Mii háliidit olbmo gii máhttá muitalit Sámedikki birra ja sápmelaččaid birra muđui. Sus gii virgáduvvo galgá lea movttet ja indui, ja son ferte hálddašit sámegiela, dárogiela ja eaŋgalasgiela njálmmálaččat. Gelbbolašvuohta eará gielain lea maid sávahahtti.
Sus gii virgáduvvo, galgá leat uhcimusat golmma jagi joatkkaskuvla. Sámediggi fállá kursema.
Virgi lea biddjojuvvon virgekodii 1070 čálli. Muđui virgáduvvojit bargit gustovaš lágaid, njuolggadusaid ja šiehtadusaid vuođul.
Eanet dieđuid virggi birra oaččut go válddát oktavuođa ossodatdirektevrrain Jan Roger Østby:in, tel. 78 47 40 00.
Sámedikki hálddahus galgá buoremus lági mielde speadjalastit álbmoga máŋggabealatvuođa. Bargiidpolitihkalaš mihttomearrin lea olahit dássedeattu agi ja sohkabeali ektui, ja fidnet olbmuid geain lea minoritehta- ja álgoálbmotduogáš.
Ohcanáigemearri: 02.06.10
Ohcan virgái sáddejuvvo min digitála ohcanguovddážii: http://e-skjema.no/sametinget.
Mii bivdit ohcciid almmuhit virggi referánsanummira: 10/2887. Duođaštuvvon skuvladuođaštusmáŋgosat ja bargoduođaštusat biddjojuvvojit mielddusin elektrovnnalaš ohcamii dahje sáddejuvvojit bábirhámis čujuhussii: Sámediggi - Sametinget, Ávjovárgeaidnu 50, 9730 Kárášjohka/Karasjok.