Dainna eavttuin ahte ruhtadeapmi ordnašuvvá leat Sámedikkis 2 gieddejođiheaddji virggi (1 Romsii ja 1 Finnmárkui) rabas, álgin farggamusat.
Bargui gullá sámi kulturmuittuid registreren válljejuvvon guovllus ja dan čuozáhatguovllus. Dasa lassin ferte rehkenastit muhtun ráje raportabarggu, sihke prošeaktajođiheaddjái prošeaktaáiggis ja maŋŋá gieddebarggu. Ovdamunnin lea jus lea alit oahppu arkeologiijas/historjjás dahje sullasaš oahppu. Gáibiduvvo bargohárjáneapmi kulturmuittuid registreremis.
Oassi bargguin lea jearahallanbargu, ja sámegielmáhttu lea danne deaŧalaš máhtolašvuohta. Sávvat maiddái ahte livččii máhtolašvuohta PDA birra ja biilavuodjenkoarta.
Dasto deattuha Sámediggi máhtolašvuođa sámi servodatdiliid birra. Dasa lassin deattuhit mii buori gelbbolašvuođa, ovttasbargan- ja gulahallanattáldagaid, čálalaš ovdanbuktin dáiddu, dáiddu bargat iešheanalaččat ja ulbmildiđolaččat ja veahkkáivuođa.
Gieddejođiheaddjit biddjojuvvojit virgekodii 1408 vuosttaškonsuleanta/1434 ráđđeaddi, gelbbolašvuođa mielde.
Lagat dieđuid virggiid birra sáhttá oažžut go váldá oktavuođa; Magne Svineng, Hege Fjellheim Sarre dahje Hans Arild Holmestrand, tlf. 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ođđa almmolašvuođalága vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Ohcanáigemearri: 10.06.10
Virgeohcan sáddejuvvo min digitála ohcanguovddážii:
http://e-skjema.no/sametinget.
Mii bivdit ohcciid almmuhit virggi referánsanummira: 10/2995. Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok