- Dan oktavuođas lea deaŧalaš deattuhit ahte duodji ain adnojuvvo ealáhussan. Sámediggeráđđi bovde digaštallat lea go sávahahtti viiddidit dálá ortnega nu ahte dat fátmmasta maiddái kultuvrralaš beali, cealká ráđđelahttu Marianne Balto.
Sámediggeráđi mihttomearri čilgehusain lea oažžut ollislaš hálddašeami duojis, vai mis lea eallinnávccalaš ja soddjilis duodji vuođđuduvvon sihke árbevirrui ja ođđa máhtui.
- Dás ii leat sáhka gáržžideames juolludemiid duodjái, muhto mun baicce háliidan searvvahit ealáhusa ovddasteaddjiid digaštallat lea go ealáhusšiehtadus menddo gárži go jurddaša duoji kulturguoddin ja ealáhussan boahtteáiggis, dadjá Balto.
Sámediggeráđđi Marianne Balto dadjá viidáseappot ahte lea álo deaŧalaš čalmmustahttit dakkár doarjjaortnegiid ja politihka mii lea heivehuvvon duojáriid dárbbuide. Son deattuha deaŧalažžan ahte dat galgá dahkkojuvvot lagas gulahallamiin ja ovttasráđiid duodjeorganisašuvnnaiguin.
- Sámediggeráđđi háliida bovdet guoskevaš oassálastiid digaštallamii dan birra mo buoremusat hálddašit duoji váikkuhangaskaomiid. Dat ii mearkkaš ahte mii guođđit ealáhusbeali, muhto ahte mii maiddái háliidit lokte duoji kulturealáhussan.
Čilgehusa oktavuođas lágida Sámediggi rabas duodjeseminára geassemánu 9. b. 2010 dii. 09 - 12. Seminára sáhkavuorut leat duoji vejolašvuođaid birra, rekrutterema birra ja duoji birra dakkár ealáhussan mii fievrrida viidáseappot kultuvrra ja lokte árvvuid.
- Mii sávvat berošteaddjiid searvat seminárii ja digaštallamii, ja buktit evttohusaid Sámediggeráđđái. Mii sávvat oažžut ávkkálaš digaštallama mii sáhttá veahkehit mii viidáseappot barggusteamet, loahpaha ráđđelahttu Marianne Balto.
Dá lea duodjeseminára prográmma: