Sámediggepresideanta deattuha viidásit ahte čoahkkin lea oaivvilduvvon arenan gos galgá sáhttit digaštallat ii dušše lullisámi dili ja beroštusaid birra, muhto maiddái sámi beroštusaid birra oppalaččat.
- Mii áigut guldalit álbmoga. Midjiide lea dehálaš buorebut oahpásnuvvát mat dan guovllu sámi ássiid mielas leat dehálaš fáttát - mii dárbbašit evttohusaid vai sáhttit fállat buorebut fálaldaga dán guovllu sápmelaččaide, dadjá presideanta Egil Olli.
Loahpas čujuha presideanta Egil Olli ahte Sámediggi ferte vuhtiiváldit ahte sápmelaččat ásset miehtá riikka.
- Sápmelaččat ásset miehtá Norgga ja Sámedikki barggus lea dehálaš olahit olbmuid doppe gos sii ásset.
Álbmotčoahkkin lágiduvvo Rica Nidelven Hoteallas gaskavahkku geassemánu 23. b. dii.18:00. Jáhkkimis bistá 21:00 rádjái ja čoahkkimis leat čuovvovaš fáttát:
• Sámediggi lullisámi guovllus.
• Áigeguovdilis áššit guovllus.
• Mii dutnje lea dehálaš?
Guossohit biepmu ja juhkosa.