"Menneskejerven" muitala máttasápmelačča ja boazoeaiggáda Axel Kvitfjell birra guhte fuomáša eahpedábálašvuođaid luonddus ja ádde ahte muhtun lea lihkahallagoahtimin sivdnideaddji dahkosiid.
Čájeha ahte dat lea máilmmiviidosaš ođđa osku ja ruhtafámolaš sierrasearvi mii lea ohcamin dievaslaš olbmo, viisá mii lea bajábealde buot eará viisáid. Ulbmila juksamii sáhttet geavahuvvot buot vejolaš vuogit.
Váldopersovdna ohcá dorvvu luonddus. Son ferte buokčalit vulos virtuála máilmmis, muhto ferte maiddái háhkat máhtolašvuođa máttasámi mytologiija birra, ja dan seammás ferte oahppat jurddašit dego gietki.
Ivdnás čájálmas lea vuođđuduvvon Bjørn Johansena álgorománii man namma lea "Menneskejerven".
Dánsumis háliidit sii ovttasbargat Ada Einmoin ja máttasámi teáhteriin. Čájálmasas čájehuvvojit maiddái govvadáiddára Elisaeth Werps dáidagat nu movt dat leat govahuvvon románas.
Deaŧalaš deaivvadanbáiki
"The Groove Valley Jazzcamp (TGV") lea leamaš gielddalaš prošeakta vihtta jagi, muhto 2010:s váldá Báidára eaktodáhtolašguovddáš ovddasvástádusa lágideamis. TGV lea ámmátlaš musihkkáriid, amatevramusihkkáriid ja eará berošteddjiid festiválaarena ja deaivvadanbáiki. Eaktodáhtolašguovddáš lágida maiddái meahccebeivviid, gosa lávejit boahtit duhát viissaid olbmot olles guovllus.
Dálkkádatrievdamat guovddážis
Čájálmasa váldoulbmilin lea ahte dákkár dáiddalaš prošeavtta bokte sáhttá oažžut áddejumi das man deaŧalaš lea hálddašit kultureanadaga ja bidjat guovddážii dálkkádatrievdamiid mat sáhttet čájehit man rašši luondu lea olmmošlaš lihkahallamiidda. Dát váldá vuolggasaji románas "Menneskejerven".
- Luondu guovddážis ja dan birra čuvgehus lea deaŧalaš oassi Báidára jazzcampenis ja čájálmas heive jazzcampena višuvdnii, dadjá Larsen.