- Mun ferten vuosttažettiin bisuhit iežan buori vuoimmis fysálaččat go galggan syhkkelastit dán gaskka mii gohčoduvvo "Styrkeprøven". Muhto dat gievrudahttá mu maiddái politihkalaččat. Gorut ja miellaláhki gullet oktii. Go mun bisuhan iežan buori vuoimmis fysálaččat, de dat gievrudahttá mu maiddái psykálaččat - mii addá vuoimmi politihkas, dadjá presideanta Egil Olli.
Dii. 09:29 syhkkelastigoahtá presideanta máttás guvlui ja sus leat mielde guokte Sámedikki bargi. Mokta oasseváldiid gaskkas lea buorre beaivvi ovdal, vaikko veaháš dilihuddet ge dál ovdal.
- Mun illudan mátkái ja mun in láve ballat hástalusain. Dieđusge dát čuohcá gorudii hui ollu go galgá syhkkelastit 54 miilla, muhto mun bisuhan iežan buori vuoimmis birra jagi. Dalán go muohta gokčá eatnama, de dohppen sabehiid ja manan čuoigat, dadjá Sámedikki presideanta Egil Olli beaivvi ovdal.
Mii sávvat Sámedikki presidentii lihku, ja buot eará oasseváldiide lihku dán lossa mátkái.