Sámedikki várrepresideanta Laila Susanne Vars dadjá ahte nuvttá oahpponeavvoortnet lei deaŧalaš doaibmabidju oažžun dihte oahpponeavvuid ohppiide.
Vars dadjá ahte Sámediggeráđđi áigu evalueret ortnega. Árvvoštallat earret eará man ollu ortnet čuozašii oahpponeavvuid ođđabuvttadeapmái, ja makkár eará molssaeavttut sáhtášedje leat heivvolaččat.
Sámediggi lea 2009 rájes geavahan 6,8 miljon ru nuvttá oahpponeavvuide.
Ortnet ruhtaduvvui nu ahte boares prošeavttat leat loahpahuvvon ja poasttas dábálaš oahpponeavvut.
Ággan dahkat šiehtadusa boares oahpponeavvuid oastimis ja daid juohkimis nuvttá skuvllaide lei dat ahte buoridit dili go váilo sámi oahpponeavvut. Dieinna lágiin háliideimmet sihkkarastit ahte skuvllat mat eai lean oastán daláš oahpponeavvuid galge daid oažžut. Eanaš skuvllat diŋgojedje oahpponeavvuid.
Dás lea geahčastat das makkár skuvllat ožžo nuvttá oahpponeavvuid.