Buohkat leat bures boahtimat evttohit kandidáhtaid!
Ságajođiheaddji árvvoštallanlávdegottis, Rose-Marie Huuva ávžžuha sámi álbmoga evttohit kandidáhtaid:
-Buohkat geat háliidit ožžot nomineret kandidáhtaid. Áigemearri evttohit kandidáhtaid lea čakčamánu 1. beaivvi 2010. Mii lohkat buot evttohusaid mat bohtet. Áidna maid dárbbašat dáhkat leat sáddet čálalaš ákkastallama, man guhkkodat lea eanemustá 1-2 siiddu, árvvoštallanlávdegotti čállái, Ruoŧa sámedikkis.
Gii sáhttá oažžut bálkkašumi?
- Giellabálkkašumi ulbmilin lea váikkuhit sámegiela ovddideapmái, ja seailluheapmái Norggas, Ruoŧas, Suomas ja Ruoššas, dadjá Rose-Marie Huuva, ságajođiheaddji árvvoštallanlávdegottis.
Giellabálkkašupmi juhkkojuvvo ovttaskas olbmuide (maiddái joavkkuide) dehe servošiidda (omd. searvi, ovttastus, ásahus, instituhtta) mat leat earenoamážit bidjan návccaid sámegiela ovddideapmái, dehe seailluheapmái. Giellabálkkašupmi sáhttá addojuvvot ovdamearkka dihte čálalaš, njálmmálaš dehe eará bargguin mat gusket hui viidát sierra servodatsurggiide. Bálkkašumi supmi sáhttá juogadit eanet go ovtta vuoitái.
Dan jagi lágidanriika lea Ruoŧŧa. Bálkkašupmi geigejuvvo sámeministariid ja sámediggepresideanttaid jahkásaš deaivvadeami oktavuođas mii dan jagi dollojuvvo Stockholmas skábmamánus 22.beaivvi.
Oktavuohta:
Rose-Marie Huuva, ságajođiheaddji árvvoštallanlávdegottis
tel: +46 (0)70-39 21 039
Eará lahtut Gollegiella árvvoštallanlávdegottis:
Hanna Outakoski Ruoŧŧa
Nora Brandsfjeld Norgga Sápmi
Erkki Lumisalmi Suoma Sápmi
Nina Afanasjeva Ruošša Sápmi
Oktavuohta veardidanjoavkkuin:
Brita Stina Sjaggo (veardidanjoavkku čálli)
Sámediggi
Boksa 90
SE-981 22 GIRON
tel: +46(0)70-33 99 575, fáksa +46 (0)980-780 31
sleađgaboasta: brita@sametinget.se
Mii lea Gollegiella sámi giellabálkkášupmi?
Gollegiella - Davviriikkalaš sámi giellabálkkašupmi lea ásahan sámeáššiin vástideaddji ministarat Norggas, Ruoŧas ja Suomas ovttas dáid riikkaid sámediggepresideanttaiguin. Bálkkašupmi geigejuvvui vuosttaš geardde jagi 2004, ja dat juhkkojuvvo juohke nuppi jagi. Bálkkašumi sturrodat lea 12 500 euro.
Ovdalaš vuoitit
2004
Ella Holm Bull ja Anarâkielâ servi (anársámegiellasearvi) ožžo easka ásahuvvon davviriikkalaš sámegiellabálkkašumi Gollegiella jagis 2004. Ella Holm Bull (1929-2006) ražái eallinagi orjješsámegiela ovddidemiin. Su ulbmil leai ahte loktet giela geavaheami sihke njálmmalaš ja čálalaš giellan. Anarâkielâ servi lea dan rájis go searvi ásahuvvui Anáris jagis 1986 garrasit bargan anársámegiela ealáskahttimiin ja lihkostuvvan bures.
2006
Harald Gaski ja Jouni Moshnikoff oaččuiga giellabálkkašumi 2006. Jouni Moshnikoff fuomášuvvui go son lea nu garrasit bargan nuortasámegiela ovddidemiin mii lea su eatnigiella. Harald Gaski lea dahkan viiddes giellaovddidanbarggu ja lea iežas dutkama bakte leamaš veahkkin loktet statusa sámegielat girjjálašvuođas.
2008
2008 jagi bálkkašupmi juhkojuvvui guovtti oassái, Sámi Siida Ohcejogas Suomas ja Henrik Barruk Straejmies Ruoŧas. Sámi Siida oaččui bálkkašumi danin go sii leat 1970-logu rájis bargan sámegiela sajádaga nannemiin Ohcejoga gielddas. Kati Eriksen ovddastii Sámi Siidda ja válddii vuoste bálkkašumi. Henrik Barruk lea guhká bargan upmisámegiela dokumenteremiin ja ealáskahttámiin. Upmisámegiela ságastanguovlu lea rádjeguovlu gaskal orjješsámi ja davvisámi ja sulástahttá goappaš gielaid. Vuosttaš čállagat mat prentejuvvojedje 1600-logus ledje čállojuvvon upmisámegillii, earret eará okta ABC-girji.