Bealit leat soahpan ahte ain áŋgiruššat duodjeealáhusa ovddidemiin vai dat šattašii gánnáhahtti ja birgejeaddji ealáhussan.
Sámedikki ossodatdirektevra Magne Svineng dadjá ahte šiehtadallamat manne hui bures.
-Bealit háliidit ealáhuslaš duoji nu ahte dat šattašii eanet gánnáhahttin ja dujiide šattašii buoret johtu. Mii galgat ovttasráđiid organisašuvnnaiguin geahčadit šiehtadusa ortnegiid ovddidan dihte ealáhusa, dadjá ossodatdirektevra Magne Svineng.
Bealit leat maid ovttaoaivilis čađahit stuorát márkanguorahallama 2011 ja dasto 2012 čađahit námmahuksen prošeavtta (merkevareprosjekt).
2011 šiehtadusas vuoruhuvvo maid rekrutteret eanet duojáriid olggobeal Finnmárkku.