Sámediggi mearridii geassemánus sierra minerálaveahki movt Sámediggi ja minerálasearvvit sáhttet gulahallat gaskaneaset mineráladoaimma oktavuođas sámi guovlluin. Dán minerálaveahkis árvaluvvo ahte dahkkojuvvojit šiehtadusat Sámedikki ja fitnodagaid gaskka iskkadanbargguin ja plánain doaibmakonsešuvdnaohcama ektui.
Šiehtadusas Nussir ASA ja Sámedikki gaskka čilgejuvvo movt proseassa oasálaččaid gaskka galgá čađahuvvot ja makkár fáttát galget šiehtadallojuvvot.
- Dát šiehtadus lea mearka das ahte Nussir ja Sámediggi váldiba goabbat guoimmiska ollásit duođas. Šiehtadus čájeha doaimmalašvuođa sihke Sámedikki ja Nussira bealis go geahččalit gávdnat konstruktiiva čovdosiid main lea ávki buot oasálaččaide. Dát buktá dárbbašlaš einnostahttivuođa sihke sámi servodahkii ja Nussirii minerálasearvin, dadjá Sámedikki presideanta Olli loahpas.
Áigumuššiehtadus ii guoskka boahttevaš šiehtadallanbohtosiidda mat galget čađahuvvot. Vuordimis álggahuvvojit šiehtadallamat jagi 2011 dálvvi.
(Bildene under er til fri bruk for pressen)