Sámedikki hálddahus áigu dán semináražis muitalit áirasiidda ja guldaleddjiide mo hálddahusa bargu ovdána ja rievdá. Dasa lassin gullat mo muhtun fágajoavkkut barget daid áššesurgiin main Sámedikkis lea ovddasvástádus.
Sámediggeráđđi rahpá ja jođiha seminára.
Seminára prográmma lea ná:
Deaŧalaš ovdánandovdomearkkat, ja ođđa organisašuvdnaheiveheapmi
Rune Fjellheim, direktevra
Doarjjahálddašeapmi, mo hálddašuvvojit ealáhusruđat?
Per Anders Bær, seniorráđđeaddi
Doarjjahálddašeapmi, mo dat dáhpáhuvvá kultursuorggis?
Johan Matteus Triumf, ráđđeaddi
Mii lea sámi oahppoplána vuođđun?
Erna Lyssand Hætta, seniorráđđeaddi
Fágalaš hástalusat go álo lea unnitlogus.
Ingeborg Larssen, ráđđeaddi
Fuomaš!
Seminára mii sáddejuvvo njuolga - das ii sáhte oaidnit govvačájeheami (power point) jus logaldallit dakkáriid ovdánbuktet.
Deaddel dákko geahččat seminára.