Láhkaásahusain čuožžu ahte Sámedikkis lea ovddasvástádus Sámedikki jienastuslogu sáddemis gielddaide. Sámediggi lea ollašuhttán geatnegasvuođas dalle go almmuha jienastuslogu geavahussii válgavuogádagas Valg2009, doppe sáhttet gielddat geavahit iežaset jienastuslogu ja ráhkadit raporttaid sávaldagaset mielde. Dás sáhttet gielddat maiddái diŋgot dárbbašlaš raporttaid.
Sámedikkis lea ovddasvástádus girjet sámi jienastuslogu. Gielddain ii leat vejolašvuohta logahallat, divvut dahje sihkkut eret olbmuid Sámedikki jienastuslogus. Jos gielddat gávdnet boasttuvuođaid Sámedikki jienastuslogus, de galget váldit oktavuođa Sámedikkiin.
Maŋŋá go sámeválgastivra lea almmuhan ja bidjan Sámedikki jienastuslogu almmolaš geahččamii, de lea vejolaš gáibidit divvut boasttuvuođaid.
Son guhte oaivvilda ahte son ieš dahje muhtun eará lea boastut čálihuvvan gieldda sámi jienastuslohkui dahje báhcán eret jienastuslogus, sáhttá gáibidit ahte Sámediggi divvu boasttuvuođa. Gáibádus galgá leat čálalaš ja dat galgá leat vuođustuvvon.
Danne galget gielddat dáhttut vejolaš guoddaleaddjiid váldit oktavuođa Sámedikkiin.
Jos dus leat gažaldagat dáid beliid birra, de válddes áinnas oktavuođa Sámedikkiin.