Semináras leat guovtti hálddašangieldda beales sáhkavuorut ja Sámediggeráđđi čalmmusta evttohusas guovttegielatvuođa ruđaid ođđa juolludaneavttuid hárrái.
Lea várrejuvvon áigi ságastallamii ja debáhttii mas šaddá vejolašvuohta daid ođđa evttohuvvon juolludankriteriijaid kommenteret ja divvut gažaldagaid daid birra. Sámediggi sávvá ahte lea oallugiin vejolašvuohta searvat seminárii, ja sávvá ahte doppe šaddá buorre ja ráhkaduslaš ságastallan fátta birra.
Sávvat bures boahtima.
Semináraprográmma/rabas gulaskuddan guovttegielatvuođa ruđaid ođđa juolludaneavttuid birra:
09.00 - 09.10: Sámedikki presideanta Egil Olli sávvá buresboahtima
09.10 - 09.30: Guovdageainnu suohkan v/ Maia Hætta- hástalusat dáláš eavttuid raporterema oktavuođas
09.30 - 09.50: Loabága suohkan v/Viktor Andberg- Makkár hástalusat leat ođđa gielddas dáláš eavttuid raporterema oktavuođas.
09.50 - 10.05: Gáfestallan
10.05 - 10.35: Sámediggeráđđi v/Marianne Balto - ođđa juolludaneavttut
10:35 - 11.50: Digaštallan gielddaid ja dievasčoahkkima beales ođđa juolludaneavttuid evttohusa birra.
11.50 - 12.00: Digaštallama čoahkkáigeassin/loahpaheapmi Sámediggeráđi bokte.
Gulahallanolmmoš lea ráđđeaddi Emma Margret Skåden, tlf 995 74 533.