Arkiteakta - bistevaš virgi - ref.nr. 10/4855
Sámedikkis lea rabas bistevaš virgi ráđđeaddin/seniorráđđeaddin mas álgin lea farggamusat. Bargosadji lea okta Sámedikki kántorbáikkiin.
Virggi váldobargu lea áššemeannudeapmi sámi kulturmuitohálddašeamis mas vistesuodjalus deattuhuvvo. Virgái sáhttet maiddái biddjojuvvot eará barggut mat čatnasit Sámedikki doibmii, dás maiddái sámi vistesuodjalusa prošeaktaovddideapmái ja suodjalanguovlluid hálddašanplánaide.
Virgái háliidit vuosttažettiin olbmo geas lea alit oahppu allaskuvllas/universitehtas, vuosttažettiin arkiteaktaoahpuin master-/váldofágadásis, relevánta vásáhus ja máhtut GIS/GPS/PDA/SEFRAK-geavaheamis. Máhttu sámi servodatdiliin ja sámegielas deattuhuvvo maiddái. Dasa lassin deattuhuvvojit buorit fágagelbbolašvuođat, ovttasbargo- ja gulahallanattáldagat, dás maiddái čálalaš ovdanbuktinattáldagat, návccat bargat iehčanassii ja ulbmillaččat ja veahkkáivuohta.
Virgi lea biddjojuvvon virgekodii 1434 ráđđeaddi dahje 1364 seniorráđđeaddi.
Eanet dieđuid virggi birra addet Magne Svineng, Hege Fjellheim Sarre dahje Hans Arild Holmestrand, tlf. 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ođđa almmolašvuođalága vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Ohcanáigemearri: 08.10.10
Ohcan sáddejuvvo min digitála ohcanguovddážii: http://e-skjema.no/sametinget.
Mii bivdit ohcciid almmuhit virggi referánsanummira: 10/4855. Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok.