Gulahallanráđđeaddi - bistevaš virgi - ref.nr. 10/4856
Sámedikkis lea rabas bistevaš virgi ráđđeaddin/seniorráđđeaddin mas álgin lea farggamusat. Bargosadji lea Sámedikkis Guovdageainnus dahje Kárášjogas.
Virggi váldobargu čatnasa gulahallanossodahkii, mas lea ovddasvástádus gulahallamis ja diehtojuohkimis Sámedikki doaimma birra.
Barggut leat:
- ođas- ja artihkkalbuvttadeapmi Sámedikki inter- ja intraneahttasiidduide, ja
Sámedikki eará almmuheamit
- ođasmahttit ja viidáseappot ovddidit Sámedikki oassálastima sosiála mediaide
- mediaráđđeaddin, mediagoziheapmi, mediagulahallan, mediacealkámušaid
plánen ja čađaheapmi
- strategiijaovddideapmi ja beagginduddjon
- kriisagulahallan ja gearggusvuohta
Virgái háliidit vuosttažettiin olbmo geas lea uhcimusat 3 jagi relevánta alit universitehta- dahje allaskuvlaoahppu gulahallamis dahje journalistihkas ja relevánta bargoduogáš. Virgái gáibiduvvo máhttu Sámedikki ja sámi servodaga birra ja máhttu politihkas ja mearrádusproseassain. Maiddái deattuhuvvojit buorit ovttasbargo- ja gulahallanattáldagat ja návccat juksat bohtosiid ovttasráđiid earáiguin. Virgehas ferte hálddašit skandinávalaš gielaid, sámegiela ja eaŋgalasgiela.
Virgi lea biddjojuvvon virgekodii 1434 ráđđeaddi dahje 1364 seniorráđđeaddi.
Eanet dieđuid virggi birra addá Jan Roger Østby, tlf. 78 47 40 00.
Sámedikki hálddahus galgá nu bures go vejolaš speadjalastit álbmoga girjáivuođa. Bargiidpolitihkalaš ulbmilin lea juksat dássedis čoahkádusa agi ja sohkabeliid dáfus, ja rekrutteret olbmuid geain lea unnitlogu- ja álgoálbmotduogáš.
Sámediggi lea šiehtadan Čáhkkilis bargodili, dg. Inkluderende Arbeidsliv (IA), ja deattuha bargodiliid láhčima juohke bargái.
Buohkain geat ásset Finnmárkkus ja Davvi-Romssas lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa ja lassi mánáidoaju. Dát gustojit dassážiigo Stuorradiggi rievdada dáid ortnegiid.
Sámedikki bargiin lea máškidis bargoáigi. Ohccit geat eai hálddaš sámegiela go biddjojuvvojit virgái, sáhttet ovttasráđiid bargoaddiin geatnegahttojuvvot váldit oahpu sámegielas.
Muđui virgáduvvojit bargit gustojeaddji lágaid, njuolggadusaid ja šiehtadusaid vuođul, dás maiddái bálká ja penšuvdna, ja 6 mánu geahččalanáigi. Bálkkás gessojuvvo 2 % Stáhta penšuvdnakássii.
Ođđa almmolašvuođalága vuođul sáhttet ohccidieđut almmuhuvvot vaikko ohcci lea bivdán ahte son ii galgga čállojuvvot ohcciidlistui.
Ohcanáigemearri: 08.10.10
Ohcan sáddejuvvo min digitála ohcanguovddážii: http://e-skjema.no/sametinget.
Mii bivdit ohcciid almmuhit virggi referánsanummira: 10/4856. Duođaštuvvon skuvla- ja bargoduođaštusaid máŋgosat biddjojuvvojit mielddusin dahje sáddejuvvojit bábirveršuvdnan: Sámediggi - Sametinget, Ávjovárgeaidnu 50, 9730 Kárášjohka/Karasjok.