Sámedikki presideanta Egil Olli dadjá ahte lea suohtas go Ráđđehus vuoruha sámi kulturviesuid huksema.
Davviálbmogiid guovddáš Gáivuonas, Saemien Sijte Snoasas ja Sámi dáiddamusea Kárášjogas leat deaŧalaš ásahusat mat viimmat sáhttet ollašuhttit plánaideaset, dadjá Olli.
-Mii registreret ahte sámi kultuvra ii leat oassin nationála kulturáŋgiruššamis. Ráđđehus juolluda 640 miljon ru kulturloktemii 2, muhto sámi kultuvra oažžu dušše guokte miljon ru, mii duohtavuođas lea dušše bálká- ja haddegoarkŋun, dadjá Sámedikki presideanta Egil Olli.
-Buot eanemusat leat beahtahallan dainna go ráđđehus ii leat gávdnan čovdosa boazodoalu divatváttisvuhtii. Boazodoalus eai leat dásseárvosaš divatortnegat eará vuođđoealáhusaid ektui, dadjá Olli. Mis ledje stuorra vuordámušat ahte dát ášši livččii čoavdašuvvan stáhtabušeahtas. Dát ášši lea deaŧalaš boazodolliide, dadjá Olli.
Juolludeamit sami aigumušaide 2011 stahtabušeahtas: