Norgga vuođđoskuvllain ja mánáidgárddiin gos leat sámi oahppit ja mánát lea ain vejolaš diŋgot nuvttá oahpponeavvuid čuvvovaš lágádusain: ČálliidLágádusas, DAT , Iđut lágádusas ja Davvi Girjjis.
Mielddusin lea listtu mas oainnát makkár oahpponeavvut leat nuvttá.
Váldde oktavuođa lágádusaiguin jus áiggut diŋgot ja jus leat jearaldagat nuvttá oahpponeavvuid birra.
Eambbo dieđut oahpponeavvuid birra gávnnat lágádusaid neahttasiidduin.
Juohkehaš gii diŋgo oahpponeavvuid lágádusain ferte ieš máksit sáddenolggosgoluid.
Sámediggi maid bidjá dieđuid ođđa oahpponeavvuid birra Sámi oahpponehttii www.oahpponeahtta.no