Odne eai gávdno makkárge bálvalusat ja fálaldagat mat attášedje digitála geahčastaga dain sámi oahpponeavvuin mat gávdnojit. Ovttas.no mihttomearrin lea buktit sámi oahpponeavvuid olámuddui álkidit geavaheaddjái čalmmus vugiin.
Digitála oahpparesurssat ja spealut, deaddiluvvon girjjit ja fáddágihppagat, sámi filmmat ja TV-prográmmat ja sámi musihkka galget čalmmustuvvot sierra uskkádaga bokte golmma sámegillii, ja girjedárogillii. Go buot oahpparesurssaid sáhttá ohcat neahtas de šaddá oahpaheddjiide ja mánáidgárddiid bargiide okta báiki gos sáhttet gávdnat dárbbašlaš dieđuid sihke ođđa ja boares resurssaid birra. Go buot oahpparesurssat čohkkejuvvojit digitála hámis, de šaddá oktilašvuohta ođđa ja boares oahppogirjjiid ektui.
Áiggi mielde boahtá maiddái luoikkahanfálaldat uskkádaga bokte, ja ráhkaduvvo almmuhanreaidu oahpponeavvuid buvttadeddjiide ja juohkinarena gos oahpaheaddjit ja oahppit sáhttet juogadit iežaset buvttadan resurssaid. Dát lea mielde lasiheamen oahppogirjjiid meari sámegillii.