Jagi 2010 Riektesihkarvuođabálkkašupmi geigejuvvui njukčamánu 18. b. Carsten Smithii su barggu ovddas ovttaskas olbmuid riektesihkarvuođa nannemiin norgalaš servodagas, ja deaŧalaš barggu ovddas sámiid vuoigatvuođaiguin. Smith jođihii earret eará sámi vuoigatvuođalávdegotti, man olis Sámediggi ásahuvvui ja Vuođđoláhkii bođii ođđa mearrádus § 110 sámi kultuvrra suodjaleami birra. Son lea maid jođihan Riddoguolástuslávdegotti barggu.
Dán bálkkašumi juohkima oktavuođas celkkii Sámedikki presideanta Egil Olli ahte Carsten Smith lea bargan, ja ain bargá hui buori barggu sihke sámiid vuoigatvuođaiguin ja riektesihkarvuođain Norggas.
Nubbi fáddá mii boahtá ovdan konferánssas lea Norga olmmošriektestáhtan ja olmmošvuoigatvuođat dálkkádatperspektiivvas. Eanet dieđuid Riektesihkarvuođakonferánssas gávnnat dákko.
Egil Olli sáhkavuorru ollásit lea almmuhuvvon min neahttasiidduin samediggi.no maŋŋá konferánssa.