Ráđđečoahkkima oktavuođas Oslos 14. - 16.12.10 háliida Sámediggeráđi deaivvadit gávpotsámiiguin oažžun dihte árvalusaid/rávvagiid ja ságastallat hástalusaid birra.
Álbmotčoahkkin álgá gaskavahku 15.12.10 dii. 18.00 Rica Victoria Hoteallas Rosenkrantz gate 13:s.
Dás muhtun áššit mat váldojuvvojit ovdan álbmotčoahkkimis.
1. Sámediggeráđi politihkalaš vuoruheamit
2. Sámi oahpahus Oslos ovttasráđiid Sámi allaskuvllain
3. Ovttasbargošiehtadus Oslo gielddain
4. Sámi deaivvadanbáikkit gávpogiin
5. Sámedikki dieđáhus boarrásiidpolitihka birra, čoahkkimat sámiiguin geat asset gávpogiin
6. Gažaldagat ja ságastallamat
Álbmotčoahkkin lea rabas buohkaide. Eaŋkilis guossoheapmi. Bures boahtin!