- Dát rihkku dan šiehtadusa ráđđádallamiid birra, maid moai stáhtaráđiin Erna Solbergiin, geas lea oktiiordnenovddasvástádus sámi áššiin, gieskat čáliime vuollái. Dakkár láhttenvuohki ii čuovo ILO-konvenšuvnna nr. 169 ge go guoská stáhta geatnegasvuhtii ráđđádallat eamiálbmogiiguin dakkár áššiin, mat erenoamážit gusket sidjiide, dadjá Sámedikki presideanta ja Sámi Parlamentáralaš ráđi Norgga beale Sámedikki sáttagotti jođiheaddji, Sven-Roald Nystø.
Norgga beale sáttagoddi lea čoahkkimis 28.06.05 ságaškuššan dan dili, mii lea čuožžilan Norgga ja Ruoŧa rádjerasttideaddji boazodoalu ektui, ja bivdá ráđđehusa váikkuhit ahte ođđa boazoguohtunkonvenšuvnna šiehtadallamat farggamusat jotkojuvvojit ja ahte sámedikkit ja boazodoallu ieš goappašiid bealde rájáid ožžot duohta vejolašvuođaid váikkuhit šiehtadallamiid.
- Guovddáš eiseválddit fertejit ráđđádallat sámidikkiiguin ja ealáhusain go guoská ođđa boazoguohtunkonvenšuvnna šiehtadallamiidda. Sámediggi oaivvilda ahte ferte ásahit deaŧalaš prinsihpaid ja ovttasbargoorgánaid, mat galget viššalit geavahuvvot go galgá gávdnat vugiid mo fuolahit boazodoalu beršotumiid goappašiid bealde rájá, dadjá sier Nystø.