Juolludeapmi lea ovttasbargošiehtadusa gaskal Tromssa fylkkasuohkana ja Sámedikki čuovvoleapmi. Sámediggi lea juo jagis 2002 geatnegahttán iežas ruhtadit Ája-guovddáža viiddideami ja lasihit doaibmadoarjaga dan oktavuođas.
-Sámediggi lea duhtavaš go geatnegasvuođat lasihit doaibmadoarjaga ja doarjja ruhtadit oasseviiddideami leat čađahuvvon jagi 2002 lohpadusaid ektui. Guovddáš lea deaŧalaš sámegiela ja sámi kultuvrra ovddideapmái, ja lea eahpitkeahttá sámi deaivvadanbáiki Tromssa fylkkas, dadjá Sámediggepresideanta Sven-Roald Nystø.