Stipeanda galgá geavahuvvot bestet sámegielat fágaolbmuid váldit oahpu veajuiduhttinfágas. Dát galgá buoridit veajuiduhttinfálaldaga sámi guovlluin ja addit sámi olbmuide vejolašvuođa geavahit sámegiela veajuiduhttindilis.
Ulbmiljoavku
Stipeandda váldoulbmiljoavkun lea sámegielat fágaolbmot Norggas, geat váldet oahpu veajuiduhttinfágas. Giellagáibádusas sáhttá spiehkastit dakkár ohcciid ektui geat bohtet guovlluin gos leat unnán sámegielat olbmot.
Gitta 50 000 ruvnno rádjái
Stipeandda sáhttá addit gitta 50.000 ruvnno rádjai. Váldonjuolggadussan lea ahte stipeanda ii addojuvvo seamma oahpu váldimii eanet go oktii.
Vuoruheapmi
Sámediggi áigu bargat dan ala ahte buot sámi mánát ja nuorat ožžot buriid ja dássedis bajásšaddaneavttuid. Psykososiála givssit leat lassáneamen mánáid ja nuoraid gaskkas, maiddái sámi servodagas. Sámediggi oaidná ahte dárbbašuvvo eanet gelbbolašvuohta psykososiála givssiid birra.
Sámediggi vuoruha ohcciid geat váldit oahpu Sámedikki vuoruhuvvon áŋgiruššansurggiin. 2007 vuoruhuvvon fágasuorgi lea viidásetoahppu psykososiála givssiid eastadeamis ja veajuiduhttimis sámi mánáid ja nuoraid gaskkas. Oahppu galgá leat allaskuvla- dahje universitehtadásis.
Ohcanáigemearri
Golggotmánu 1. beaivi.
Eanet dieđut
Eanet dieđuid veajuiduhttinfága stipeandda birra oažžu:
Vuoigatvuohta-, ealáhus- ja birasossodat
Telefovdna: 78 47 40 00
Telefáksa: 78 47 40 90
samediggi@samediggi.no