Ulbmiljoavku
Stipeandda váldoulbmiljoavku leat sámegielagat Norggas geat váldet oahpu alit dási sámegielas allaskuvllas dahje universitehtas.
Eavttut
Ohcciin gáibiduvvo formálalaš sámegielmáhttu. Giellagáibádusas sáhttá spiehkastit julev- ja lullisámi ohcciid ektui, jus sis lea reálagelbbolašvuohta sámegielas. Sámediggi vuoruha ohcciid, geat váldet oahpu Sámedikki vuoruhan ulbmáluššansurggiin, mat bohtet ovdan jahkásaš almmuhemiin.
Vuoruheapmi
• Davvisámegielas vuoruhuvvojit ohccit geat váldet alit oahpu sámegielas ja barget sámi mánáidgárddiin dahje mánáidgárddiid sámi ossodagain.
• Julevsámegielas vuoruhuvvojit ohccit geat váldet alit oahpu sámegielas, mastergráda ja vuolit dási, maiddái sámegielagat geat váldet ovdaskuvlaoahpaheaddjioahpu dahje dábálašoahpaheaddjioahpu.
• Oarjelsámegielas vuoruhuvvojit ohccit geat váldet alit oahpu sámegielas, mastergráda ja vuolit dási, maiddái sámegielagat geat váldet ovdaskuvlaoahpaheaddjioahpu dahje dábálašoahpaheaddjioahpu.
Sáhttá ohcat eanemusat 25 000,- ru stipeandda oahpuide mat leat unnimusat 30 oahppočuoggá ja eanemusat 50 000,- ru oahpuide mat leat unnimusat 60 oahppočuoggá. Sáhttá ohcat stipeandda oahppodivadahki, lohkanbadjedivadahki, girjegoluide, mátkkoštan- ja orrungoluide bákkolaš logaldallamiid ja eksameniid oktavuođas ja bálkámassimii. Investeremii ii juolluduvvo doarjja. Stipeanda lea persovnnalaš ja heivehuvvo ohcci ekonomiijai ja stipeandda jáhkkásaš bušeahttii. Váldonjuolggádussan lea ahte stipeanda ii addojuvvo seamma ohppui ja dássái eanet go oktii.
Ohcanáigemearri
01.10.07
Eanet dieđut
Dievaslaš dieđut stipeandda birra leat njuolggadusain.
Eanet dieđuid stipeandda birra oažžu:
Sámediggi
telefovdna 78 47 40 00
telefáksa 78 47 40 90
samediggi@samediggi.no