PRD: Sámediggi juolluda doarjaga MIT-FabLab:ii Ivggus
Sámediggeráđđi lea otne addán Lyngen Forskningsstiftelse MIT-FabLab Norway nammasaš ásahussii 50 000 ruvdnosaš doarjaga. Doarjja lea addojuvvon nannet sámi beali gieskat ásahuvvon guovddážis.
Almmuhan
Kuhmunen, John-Marcus.
Vuosttaš geardde almmuhan 11.08.2005
- Dutkanguovddáža MIT FabLab ásaheapmi Ivggus lea hui deaŧalaš ealáhuseallima innovašuvdnii ja ovddideapmái Davvi-Norggas ja miehtá riikka muđui boahtteáiggis. Mun lean ilus go guovddážii geahččalit oččodit maiddái sámi profiila, dadjá Sámedikki presideanta Sven-Roald Nystø.
Sámedikki doarjja addojuvvo Romssa fylkkagieldda ja Sámedikki gaskasaš ovttasbargošiehtadusa rámma siskkobealde. Massachusetts Institute of Technology (MIT) nammasaš ásahus USA:s ásahii dutkanguovddáža njukčamánus 2004. MIT gullá máilmmi bivnnugeamos teknihkalaš universitehtaid searvái. FabLab lea rahppojuvvon maiddái USA:s, Indias, Norggas, Costa Ricas ja Ghanas.