Sámedikki dievasčoahkkin
Sámediggi lea sámiid ovddasteaddji álbmotválljen čoahkkin Norggas, ja dasa válljejuvvojit 39 áirasa njuolggo válggaid bokte.
Sámedikki dievasčoahkkin lea Sámedikki bajimuš orgána. Sámediggi mearrida doaimmas daid rámmaid siste mat leat addojuvvon lágas Sámedikki ja eará sámi riektediliid hárrái (sámeláhka).
Sámedikki dievasčoahkkin mearrida dikki čoahkkinortnega ja vuođđonjuolggadusaid, ja mearrida Sámedikki fágaossodagaid doaimmaid.
Sámedikki dievasčoahkkimat dollojuvvojit dábálaččat njealje geardde jagis.
Eamiálbmot
Eamiálbmogin leat sámit eará dilis go eará čearddalaš minoritehta joavkkut Davviriikkain.
Sámit eai leat ođđaset historjálaš áiggi sisafárrejeaddjit, muhto elle guovlluineaset ollu ovdal go stáhtat ja riikarájit vuođđuduvvojedje.
Danne lea Stuorradiggi cealkán ahte sáhttá dadjat ahte sámi giela ja kultuvrra álgosadji lea leamas Norggas, ja dan ferte suodjalit ja ovddidit nugo muđui davviriikkalaš majoritehta álbmogiid giela ja kultuvrra.
Deaŧalaš ágga Sámedikki ásaheapmái lea ahte sámit go leat uhccitlogus eai olat dábálaš demokráhtalaš orgánaide eanetlohkodemokratiija vuođul. Sámediggi ásahuvvui juste dan dihte ja vai sámiin lea oktasaš jietnaguoddi.
Dát ii mearkkaš dan ahte buot Sámedikki áirasat leat gaskaneaset ovttamielalaččat, muhto ahte vuođđun daid mearrádusaide mat dahkkojuvvojit lea politihkalaš proseassa.