Pressii: 64 journalistta leat akkrediterejuvvon ođđa Sámedikki rahpamii

Kapasitehta geažil besset dušše akkrediterejuvvon journalisttat sámediggevistái viđát sámedikki rahpama ja vuođđudeami oktavuođas golggotmánu 19. ja 20. b. 2005. Akkrediterejuvvon journalisttat ožžot sierra beassankoartta.

Dieđihan áigemearri
lei golggotmánu 12. b.

Prográmma ja čoahkkinplána
Leat gárvvisteamen rahpama ja vuođđudančoahkkima prográmma ja čoahkkinplána golggotmánu 19. ja 20. b. váste. Dalán go dat leat gárvásat, sáddejuvvojit dat almmuhuvvon oktavuohtaolbmuide ja biddjojuvvojit min neahttasiidduide.

Preassabagadeapmi
Dan oktavuođas go G.M. Gonagas Harald V almmolaččat rahpá Sámedikki, de lea preassabagadeapmi akkrediterejuvvon journalisttaid váste dii. 11.00 golggotmánu 19. b.

Govven-joavkkut
Dušše nammaduvvon govven-joavkkut besset govvidit Sámedikki lunššas G.M. Gonagas Harald V:in ja ieš rahpamis golggotmánu 19. b. Eaktudit ahte diet govvideaddjit addet govaid nuvttá daid mediaide main eai leat ovddasteaddjit govven-joavkkuin.