Sámedikkis lea mearridanváldi áššesurggiin, main guovddášeiseválddit leat addán Sámediggái dakkár válddi, nugo kulturmuitosuodjalusas, oahpahusas, gielas, ealáhusas ja kultuvrras. Sámedikki dievasčoahkkin, dahje dat orgánat, maidda lea fápmuduvvon dakkár váldi, mearrida ieš daid ortegiid sturrodaga ja njuolggadusaid, maid dat hálddaša.
Sámediggi juogada iežas bušeahta daid rámmaid vuođul, maid guovddáš eiseválddit leat bidjan. Sámediggái lea maŋimuš jagiid sirdojuvvon iežas bušehttii máŋga ruhtadanortnega, mat ovdal gulle stáhtabušeahta poasttaide. Maŋŋá go Sámediggi lea ožžon eanet beroštumi ja duohta mearridanválddi eanet áššiin maŋimuš jagiid, de lea Sámedikki oaidnu sierranas áššiin ožžon eanet mearkkašumi.
Danne leage riekta dadjat ahte Sámedikki duohta váikkuhanvejolašvuohta lea stuorát daddjon áššesuorggit, main dikkis lea mearridanváldi. Dat lea dahkkon hámolažžan dainna lágiin ahte Sámediggi eanet ja eanet áššiinn lea šaddan geatnegahtton gulaskuddanásahussan.