Sámedikki dievasčoahkkinjođiheaddji, Josef Vedhugnes, lea hui duhtavaš dán čavčča ođđa Sámedikki rahpama čađahemiin. Su illudahtii erenoamážit go nu ollu olbmot serve doaluide.
Sámediggi lea evalueren dán jagi doaluid, ja dan vuođul sáhttit dadjat ahte manai hui bures.
- Mii oaidnit ahte ollu mánát ja rávisolbmot geavahedje liibba gudnejahttit gonagaspára. Dáinna lágiin šattai erenoamáš čáppa rámma min parlameanta rahpamis. Dat lea mielde nannemin Sámedikki sámi álbmoga jietnan, dadjá dievasčoahkkin¬jođiheaddji Josef Vedhugnes.
- Erenoamáš illudahtti lea ahte maiddái eará gielddaid mánát ja rávisolbmot go lágideaddjigieldda, Kárášjoga, aste boahtit Sámediggái. Dán jagi oinniimet ahte skuvlaluohkát ja earát ledje boahtán eará lagamus gielddain. Dát čájeha stuorra beroštumi Sámedikki doaimmain, dadjá Vedhugnes.
- Sámediggevisti geasuha olbmuid searvat rahpandoaluide eanet go ovdal. Dan oinniimet maiddái Sámedikki rahpama oktavuođas máŋŋá 2001 válgga. Danne áigut maiddái boahtteáiggis láhčit dilálašvuođaid dasa ahte rahpandoaluuide galgá beassá searvat, dadjá Vedhugnes.