Prošeavttas oassálaste 8 skuvlla 5 suohkanis Finnmárkkus, oahppit geat dál vázzet 6. luohká ja geain lea sámegiella oahpahusgiellan ja sin oahpaheaddjit. Prošeakta loahpahuvvui 2005 giđa, go oahppit gerget 5. luohkáin. Konferánssas buktit oassebohtosiid ja árvvoštallama prošeavtta oppalađđat.
Sámedikkis lei ovddasvástádus čađahit prošeavtta. Sámegiel álgooahpahus lea 5-jagi prošeakta mas lohkanmetodihkka deattuhuvvo, ja lea ohppiid várás geain lea sámegiella vuosttašgiellan skuvllas.
Prošeakta lea ovttasbargu gaskal Sámi allaskuvlla, Davvinorgga gealboguovddáža, Finnmárkku Fylkkamánni - oahpahusossodaga, Nasjonalt senter for leseopplæring og leseforsking (Lesesenteret) Sámi instituhta, Sámi earenoamášpedagogalaš doarjalusa ja Sámedikki.
Sámedikki presideanta Aili Keskitalo rahpa konferánssa. Lea ain vejolaš dieđihit konferánsii.
Váldde oktavoađa
Oktavuođaolmmoš: prošeaktajođiheaddji Lisa Baal, Sámi allaskuvla tlf 78 48 77 00 dahje lisa.baal@samiskhs.no.