Šiehtadusa ollislaš rámma lea 8,5 miljovnna ruvnno ja sisttisdoallá ortnegiid nu movt doaibmadoarjagiid, čálgoortnegiid, investeren-, fitnodatovdánahttin- ja organisašuvnnadoarjjaortnegiid.
- Mii leat hirbmat duhtavaččat go duodješiehtadus dál lea sajis, dadjá várrepresideanta Johan Mikkel Sara. Šiehtadus mearkkaša ahte duojárat dál ožžot ortnega mii addá vejolašvuođaid ovdánahttit iežaset doaimmaid. Šiehtadus váikkuha seammás ahte duodjeárbevierut seailluhuvvojit ja addá vejolašvuođaid hukset bargosajiid maiddái nuorra álggaheaddji duojáriidda.