Redakšuvdnajođiheapmi lea biddjojuvvon Sámedikki hálddahusa diehtojuohkinovttadahkii. Juohke ossodagas/fágaovttadagas lea gaskaboddosaš ovddasvástádus almmuhit ja bajásdoallat iešguđet osiid sisdoalus ja struktuvrras. Sámedikki direktoras lea dattetge bajimuš ovddasvástádus siidduin.
Neahttasiidduid ulbmilUlbmilin
Sámediggi neahtas lea buktit dieđuid ja bálvalusaid Sámedikkis olámuddui interneahtas ja dan bokte váikkuhit dan ahte Sámediggi lea rabas ja olámuttos olbmuide.
Sámedikki dievasčoahkkin mearridii 2001:s (áššis 21/01) sierra gulahallan- ja bálvalanpolitihka. Das čuožžu earret eará čuovvovaččat:
Sámedikkis lea bajit dási mihttomearrin ahte diehtojuohkinteknologiijain galget ovddiduvvot johtilit, geavaheaddjiide heivehuvvon bálvalusat govttolaš haddái. Sámedikkis lea mihttomearrin ahte ovdal jagai 2005 galget leat:
1. Sámedikki váldofálaldahkan geavaheaddjiide elektrovnnalaš bálvalusat
2. elektrovnnalaš áššemeannudeapmi galgá šaddat dábálažžan ja seamma bures dohkkehuvvon go báberčovdosat
3. bálvalusat galget leat fitnemis neahtas